Last updated on December 4th, 2025 at 08:36 am
ಪುತ್ತೂರು, ಡಿ. 04 : ಕಬಕ ಗ್ರಾಮೊದ ಮುರ ಪ್ರದೇಶೊಡುಪ್ಪುನ ರೈಲ್ವೇ ಸಂಕೊದ ಕೈತಲ್ ಆಂಜೊವು ಒರಿ ಮಾದಕಸೊತ್ತು ಮಾರ್ಯೆರ ತೂವೊಂದುಪ್ಪುನಗ ಪೊಲೀಸೆರ್ ದಾಳಿ ಮಲ್ತ್ದ್ ಆಯನ ಕೈರ್ದ್ 10 ಗ್ರಾಂ ಎಂಡಿಎಂಎ ನಿಷೇಧಿತ ಮಾದಕ ಸೊತ್ತುನು ವಶೊಕು ಗೆತೊಂದೆರ್. ಶಂಕಿತನ್ ಪುತ್ತೂರು ಕಬಕ ನಿವಾಸಿ ಉಮ್ಮರ್ ಫಾರೂಕ್ (41) ಪನ್ದ್ ಗುರ್ತ ಪತ್ತ್ದಿತ್ತ್ದ್, ಆಯನ ಮಿತ್ತ್ ನಗರ ಪೊಲೀಸ್ ಸ್ಟೇಶನ್ಡ್ NDPS ಕಾಯ್ದೆಯ ಕಲಂ 8(C), 22(b) ಅಡಿಟ್ ಪ್ರಕರಣ ದಾಕಲಾತ್ಂಡ್.
ರೈಲ್ವೇ ಸಂಕೊದ ಕೈತಲ್ ಆಂಜೊವು ಒರಿ ಮಾದಕಸೊತ್ತು ಮಾರೊಂದುಲ್ಲೆ ಪನ್ಪಿ ಎಂಬ ಪತ್ತ ಒಲವು ಇತ್ತ್ದ್, ಪುತ್ತೂರು ನಗರ ಪೊಲೀಸ್ ಸ್ಟೇಶನ್ದ ಉಪನಿರೀಕ್ಷಕೆ ಆಂಜನೇಯ ರೆಡ್ಡಿ ಬೊಕ್ಕ ಸಿಬ್ಬಂದಿಲು ದಾಳಿ ಮಲ್ತ್ದೆರ್. ಜಾಗೆಡ್ ಶಂಕಿತನ್ ವಶೊಕು ಗೆತೊಂದು ವಿಚಾರಿಪುನಗ, ಅಂಚೆನೇ ಆಯನ ಟೂವೀಲರ್ ಗಾಡಿನ್ ಪರಿಶೀಲಿಪುನಗ , ಮಾರ್ಯೆರ ಅಕ್ರಮವಾದ್ ದೀವೊಂದಿನ 10 ಗ್ರಾಂ ಎಂಡಿಎಂಎ ನಿಷೇಧಿತ ಮಾದಕ ಸೊತ್ತು ತಿಕ್ಕ್ದ್ಂಡ್.
ಪ್ರಾಥಮಿಕ ವಿಚಾರಣೆದ ಪೊರ್ತುಡು ಆರೋಪಿನ ಮಿತ್ತ್ ಜಿಲ್ಲೆದ ಬೇತೆ ಬೇತೆ ಪೊಲೀಸ್ ಸ್ಟೇಶನ್ಲೆಡ್ ಇತ್ತೆನೇ 6 ಬೇತೆ ಪ್ರಕರಣೊಲು ದಾಕಲಾತಿನ ತೆರಿದ್ ಬೈದ್ಂಡ್. ಈ ಬಗೆಟ್ ಜಡ್ತೆ ನಡತೊಂದುಂಡು.