Last updated on December 3rd, 2025 at 07:48 pm
ಉಬಾರ್, ಡಿ. 03: ಶಾಲೆ ಕಾಲೇಜ್ ಪೋಪುನ ಪೊಣ್ಣು ಜೋಕ್ಲೆನ ಬೆರಿಯೆ ಬೂರ್ದು ಉಪದ್ರ ಕೊರ್ಪುನ ಪೋಕುರಿಲೆನ ಗೊಬ್ಬು ಇತ್ತೆ ಇತ್ತೆ ಜೋರಾವೊಂದುಂಡು. ಉಬಾರ್ಡ್ಲಾ ಇಂಚಿನನೇ ಒಂಜಿ ನಡಕೆ ನಡತಿತ್ತ್ದ್,ರಡ್ಡ್ ತಿಂಗೊಲುರ್ದಿಂಚಿ ಪೊಣ್ಣನ ಬೆರಿಯೆ ಬತ್ತ್ದ್ ಇಲ್ಲಡೆ ಬಲ ಇಲ್ಲಡೆ ಬಲ ಪನ್ದ್ ಕಿರುಕುಳ ಕೊರೊಂದಿತ್ತಿನ ಕಾಮುಕನ್ ಪೋಲೀಸೆರ್ ಪತ್ತ್ದೆರ್.
ಕೈದಾತಿನ ಆರೋಪಿನ್ ಮಹಮ್ಮದ್ ಮುಸ್ತಫಾ (40) ಪನ್ದ್ ಗುರ್ತ ಪತ್ತ್ದೆರ್.
ನಡಕೆದ ಒಲವು
ಆರೋಪಿ ಮುಸ್ತಫೆ ರಡ್ಡ್ ತಿಂಗೊಲುರ್ದಿಂಚಿ ಪೊಣ್ಣನ ಮಿತ್ತ್ ಕಣ್ಣ್ ಪಾಡ್ದಿತ್ತೆಗೆ. ಉಬಾರ್ ಬಸ್ ಉಂತಡೆಡ್ ಆಲ್ ತೋಜಿನೆಟ್ಟಿಗೆ ಬೆರಿಯೆ ಪೋದು ಮಾನಸಿಕ ಕಿರುಕುಳ ಕೊರೊಂದಿತ್ತೆಗೆ. ಆಯನ ಮರ್ಲ್ ಆತೆಟೇ ಉಂತುದಿಜಿ. ನವೆಂಬರ್ 29 ದಾನಿ ನಡುಸಾದಿಡೇ ಉಂತಾದ್ ಈ ಎನ್ನ ಇಲ್ಲಡೆ ಬಲ ಪನ್ದ್ ಲೆತ್ತ್ದೆಗೆ.
ಆರೋಪಿನ ಈ ಉಪದ್ರನ್ ತಡೆಯೆರಾವಂದೆ ಪೊಣ್ಣು ಇಲ್ಲಡ್ ವಿಷಯ ತೆರಿಪಾದಲ್. ಬೊಕ್ಕ ಪೊಣ್ಣನ ಪಲಯೆ ಉಬಾರ್ ಪೊಲೀಸ್ ಸ್ಟೇಶನ್ಡ್ ಈ ಬಗೆಟ್ ಒಯಿಲ್ ಬರೆಪಾದೆ.
ಒಯಿಲ್ ದಾಕಲಾಯಿನೇ ಅಲರ್ಟ್ ಆಯಿನ ಪೋಲೀಸೆರ್ ರಪಕ್ಕ ಕಾರ್ಯಾಚರಣೆ ಮಲ್ತ್ದ್ಆರೋಪಿ ಮುಸ್ತಫಾ ನ್ ಪತ್ತ್ದೆರ್.