Last updated on December 31st, 2025 at 11:15 am
ಒಡಿಪು, ಡಿ. 31: ಒಡಿಪು ವಿಧಾನಸಭಾ ಕ್ಷೇತ್ರೊದ ಶಾಸಕೆ ಯಶ್ಪಾಲ್ ಸುವರ್ಣೆರೆನ ವಾಟ್ಸಾಪ್ ಅಕೌಂಟ್ನ್ ಹ್ಯಾಕ್ ಮಲ್ತಿತ್ತ್ದ್, ಸೈಬರ್ ದಗೆಕಾರೆರ್ ಶಾಸಕೆರೆ ಪುದರ್ಡ್ ಆರೆನ ಗುರ್ತದಕುಲೆಗ್ ಕಾಸ್ ಕೇನೊಂದು ಮೆಸೇಜ್ ಮಲ್ತೊಂದುಲ್ಲೆರ್.
ಏರೋ ಶಾಸಕೆರೆನ ವಾಟ್ಸಾಪ್ ಅಕೌಂಟ್ ಹ್ಯಾಕ್ ಮಲ್ತ್ದ್, ಆರೆನ ಕಾಂಟ್ಯಾಕ್ಟ್ ಲಿಸ್ಟ್ಡ್ ಇಪ್ಪುನ ನಂಬರ್ಲೆಗ್ ಮೆಸೇಜ್ ಮಲ್ತ್ದ್ ಕಾಸ್ ಕೇನ್ದೆರ್. ಕೆಲ ಜನೊಕ್ಲೆಗ್ ಮೆಸೇಜ್ ಮಲ್ತ್ದ್, ಈರೆರ್ದ್ ಎಂಕ್ ಒಂಜಿ ಅಗತ್ಯ ಸಕಾಯ ಆವೊಡು ಪನ್ದ್ ಪನ್ಡ್ದ್, ಬೊಕ್ಕ ಕಾಸ್ ಬೋಡು ಪನ್ದ್ ಮೆಸೇಜ್ ಮಲ್ತ್ದೆರ್.
ವಾಟ್ಸಾಪ್ ಹ್ಯಾಕ್ ಆತಿನ ವಿಷಯ ತೆರಿನನೇ ಶಾಸಕೆರ್, ತನ್ನ ದೋಸ್ತಿಯರ್ಲೆಗ್ ಬೊಕ್ಕ ಮುಟ್ಟದಕ್ಲೆಗ್ ಜಾಗ್ರ್ತೆಡ್ ಇಪ್ಪೆರ ಪನ್ತೆರ್.
ಈ ಬಗೆಟ್ ಶಾಸಕೆರೆ ಕಚೇರಿಲಾ ಪ್ರಕಟಣೆ ಪಿದಡ್ಪಾದಿತ್ತ್ದ್, “ಹ್ಯಾಕ್ ಆತಿನ ನಂರ್ರ್ದ್ ಪಾಕ ಜನಕ್ ಗೂಗಲ್ ಪೇ ಮುಕೇನ ಕಾಸ್ ಕಡಪುಡ್ಯೆರ ಮೆಸೇಜ್ಲು ಬತ್ತ್ದ. ಸಾರ್ವಜನಿಕೆರ್ ಇಂಚಿನ ಒವ್ವೇ ಮೆಸೇಜ್ಲೆಗ್ ಪ್ರತಿಕ್ರಿಯೆ ಕೊರ್ಯೆರ ಬಲ್ಲಿ ಬೊಕ್ಕ ಕಾಸ್ ಕಡಪುಡ್ರೆ ಬಲ್ಲಿ” ಪನ್ದ್ ಪನ್ತೆರ್.