ಉಳ್ಳಾಲ – ಗಾಂಜಾ ಮಾರೊಂದಿತ್ತಿನಾಯೆ ಒರಿ ಅರೆಸ್ಟ್

Last updated on December 31st, 2025 at 10:46 am

ಕುಡ್ಲ, ಡಿ. 31: ತಲಪಾಡಿ ರೈಲ್ವೇ ಟ್ರ್ಯಾಕ್ ದ ಕೈತಲ್ ಕಲ್ಪನೆ ಪನ್ಪಿನಲ್ಪ ಸಾರ್ವಜನಿಕ ಜಾಗೆಡ್ ಗಾಂಜಾ ಮಾರೊಂದಿತ್ತಿನ ಆರೋಪಿನ್ ಉಳ್ಳಾಲ ಪೊಲೀಸೆರ್ ಅರೆಸ್ಟ್ ಮಲ್ತ್‌ದ್ ಆಯನ ಕೈರ್ದ್ ಒಟ್ಟು 21,000/- ರೂಪಾಯಿ ಮೌಲ್ಯೊದ ನಿಷೇಧಿತ ಮಾದಕ ಸೊತ್ತು 425 ಗ್ರಾಂ ತೂಕೊದ ಗಾಂಜಾನ್ ವಶೊಕು ಗೆತೊಂದೆರ್.

ಕೈದತಿನಾಯನ್ ಮೂಲತಃ ಉತ್ತರ ಪ್ರದೇಶ ರಾಜ್ಯೊದ ಹರೋಯಿ ಜಿಲ್ಲೆದ ಜೂರಿ ಚಂದ್ರಾಪುರ್‌ದ ಪಾಲ್ ಪನ್ದ್ ಗುರ್ತ ಪತ್ತ್‌ದೆರ್. ಆರೋಪಿ ಗಾಂಜಾನ್ ಉತ್ತರ ಪ್ರದೇಶರ್ದ್ ಕನತ್‌ದ್ ಕಾಸ್‌ಗ್ ಬೇತೆಕ್ಲೆಗ್ ಮಾರೊಂದಿತ್ತೆ, ಪತ್ತ ಒಲವು ಇತ್ತ್‌ದ್ ದಾಳಿ ಮಲ್ತಿನ ಪೊಲೀಸೆರ್ ಆರೋಪಿನ್ ಅರೆಸ್ಟ್ ಮಲ್ತ್‌ದ್ ಗಾಂಜಾ ವಶೊಕು ಗೆತೊಂದೆರ್. ಈ ಬಗೆಟ್ ಉಳ್ಳಾಲ ಪೊಲೀಸ್  ಸ್ಟೇಶನ್‌ಡ್ ಅ.ಕ್ರ 278/2025 ಕಲಂ 8(c), 20(b) ಎನ್.ಡಿ.ಪಿ.ಎಸ್ ಕಾಯ್ದೆ 1985 ರೀತ್ಯಾ ಪ್ರಕರಣ ದಾಕಲ್ತ್‌ದ್ ಜಡ್ತೆ ಮಲ್ತೊಂದುಲ್ಲೆರ್.