Last updated on December 22nd, 2025 at 11:22 am
ಸುಳ್ಯ ,ಡಿ. 22: ಡಿಸೆಂಬರ್ 21 ತಾನಿ ಗೂನಡ್ಕದ ಕೈತಲ್ ಉಂತುದಿತ್ತಿನ ಮಾರುತಿ ಓಮ್ನಿ ಕಾರ್ಗ್ ಎಡ್ತ್ದ್ ಲಾರಿ ಪಲ್ಟಿಯಾದ್ ಡ್ರೈವರ್ಗ್ ಗಾತಿದ ಗಡಿಕುಲಾತಿನ ನಡಕೆ ನಡತ್ದ್ಂಡ್.
ಪೈಪ್ಲೆನ್ ಕೊನೊಪುನ ಲಾರಿ ಮಡಿಕೇರಿರ್ದ್ ಸುಳ್ಯದಂಚಿ ಬರೊಂದುಪ್ಪುನಗ ಈ ನಡಕೆ ನಡತ್ದ್ಂಡ್. ಗೂನಡ್ಕ ದ ಕೈತಲ್, ಸುಳ್ಯರ್ದ್ ಕಲ್ಲಗುಂಡಿ ದಂಚಿ ಪೋವೊಂದಿತ್ತಿನ ಓಮ್ನಿ ಕಾರ್ಗ್ ಲಾರಿ ಎಡ್ತ್ದ್, ಬೊಕ್ಕ ಕಬ್ಬೆ ಬೂರ್ದ್ಂಡ್.
ಓಮ್ನಿ ಕಾರ್ ಲಾರಿದ ಅಡಿಟ್ ತಿಕ್ಕ್ದ್ ಬೂರ್ದಿತ್ತ್ಂಡ್. ಆಂಡ, ಎಡ್ತೆದ ಪೊರ್ತುಡು ಕಾರ್ ಡ್ರೈವರ್ ಕೈತಲ್ದ ಅಂಗಡಿಡ್ ಉಂತುದಿತ್ತಿನೆರ್ದಾವರ ದಾಲ ಪಡಾಯಿ ಆತಿಜಿ.
ಪೊರೆಲ್ದ್ ಬೂರ್ದಿನ ಲಾರಿನ್ ಜೆಸಿಬಿಡ್ ಮಿತ್ತ್ ದೇರ್ತೆರ್. ಲಾರಿ ಡ್ರೈವರ್ಗ್ ಗಾತಿದ ಗಡಿಕುಲಾದಿತ್ತ್ದ್, ಆರೆನ್ ಆಂಬ್ಯುಲೆನ್ಸ್ಡ್ ಸುಳ್ಯ ಆಸ್ಪತ್ರೆಗ್ ದಾಕಲ್ತ್ದೆರ್. ಆರ್ ಶಿವಮೊಗ್ಗ ಮೂಲೊದಾರ್ ಪನ್ದ್ ವರದಿ ಆತ್ಂಡ್.