Last updated on February 26th, 2026 at 10:30 am
ಒಡಿಪು, ಫೆ. 26: ರಾಷ್ಟ್ರೀಕೃತ ಬ್ಯಾಂಕ್ ಒಂಜೆತ ಆದಿ ಉಡುಪಿ ಶಾಖೆದ ಮ್ಯಾನೇಜರ್, ಪೊಂಜೊವು ಗ್ರಾಹಕೆದಿ ಒರ್ತಿಡ ಅಸಭ್ಯವಾದ್ ನಡತೊಂದೆರ್ ಪನ್ಪಿ ಆರೋಪದ ಮಿತ್ತ್ ಆರೆನ ಮಿತ್ತ್ ಪ್ರಕರಣ ದಾಕಲಾತ್ಂಡ್.
ಜ್ಯೋತಿ ಪನ್ಪಿನ ಪೊಂಜೊವು ಬರೆಪಾದಿನ ಒಯಿಲ್ದ ಆಧಾರೊಡು ಒಡಿಪು ಮಹಿಳಾ ಪೊಲೀಸ್ ಸ್ಟೇಶನ್ಡ್ ಫೆಬ್ರವರಿ 19 ದಾನಿ ಭಾರತೀಯ ನ್ಯಾಯ ಸಂಹಿತೆ (ಬಿಎನ್ಎಸ್) 2023 ತ ಸೆಕ್ಷನ್ 74 ತ ಅಡಿಟ್ ಪ್ರಕರಣ ದಾಕಲಾದಿತ್ತ್ದ್, ಜಡ್ತೆ ನಡತೊಂದುಂಡು.
ಈ ನಡಕೆ ಫೆಬ್ರವರಿ 7 ತಾನಿ ಬಯ್ಯ ಸುಮಾರ್ 5.30 ಕ್ಕ್ ನಡತ್ದ್ಂಡ್. ಕಡತ ಇಸಯೊದ ಬಗೆಟ್ ಪಾತೆರೊಡು ಪನ್ಡ್ದ್ ಮ್ಯಾನೇಜರ್ ಎನನ್ ಲೆತ್ತ್ದೆರ್. ಬೊಕ್ಕ ಕಾರ್ದ ಉಲಯಿ ಎನಡ ಅಸಭ್ಯವಾದ್ ನಡತೊಂದೆರ್ ಪನ್ದ್ ಒಯಿಲ್ ಬರೆಪಾದಿನ ಪೊಂಜೊವು ಆರೋಪ ಮಲ್ತ್ದೆರ್.
ಈ ನಡಕೆರ್ದಾವರ ಎಂಕ್ ಮಾನಸಿಕವಾದ್ ಬೇನೆ ಆದಿತ್ತ್ದ್, ಎನ್ನ ಘನತೆಗ್ ಪೆಟ್ಟಾತ್ಂಡ್ ಪನ್ದ್ ಆರ್ ಒಯಿಲ್ಡ್ ತೆರಿಪಾದೆರ್. ಮಧ್ಯಮ ಕುಟುಮೊರ್ದು ಬೈದಿನ ಈ ಪೊಂಜೊವು ಬ್ಯಾಂಕಿಂಗ್ ಬೇಲೆಗ್ ಪೆರಿಯ ಅಧಿಕಾರಿನ್ ಸಂಪರ್ಕ ಮಲ್ಪುನಗ ಈ ನಡಕೆ ನಡತ್ದ್ಂಡ್ಗೆ, ಉಂದು ಮಹಿಳಾ ಗ್ರಾಹಕೆರೆ ಸುರಕ್ಷತೆದ ಬಗೆಟ್ ಪ್ರಶ್ನೆ ಉಂಡು ಮಲ್ಪುಲೆಕ ಮಲ್ದ್ಂಡ್.