Last updated on February 2nd, 2026 at 09:42 pm
ಕಾಸ್ರೋಡ್, ಫೆ. 02: 18 ವರ್ಸ ಪ್ರಾಯೊದ ಮಗಲೆನ್ ಅಮ್ಮೆನೇ ಕಡ್ತ್ದ್ ಕೆರ್ನ ದಾರುಣ ನಡಕೆ ಮಂಜೇಶ್ವರ ಕೈತಲ್ದ ಕುಂಜತ್ತೂರು ತೂಮಿನಾಡ್ ಪನ್ಪಿನಲ್ಪ ಇನಿ ಬಯ್ಯಡ್ ನಡತ್ದ್ಂಡ್. ಕೌಟುಂಬಿಕ ಕೊಲಲೊನೇ ಉಂದೆಕ್ ನೆವನ ಪನ್ದ್ ಪನೊಂದುಲ್ಲೆರ್.
ತೂಮಿನಾಡ್ದ ಜುಮೈಲಾ ತೀರ್ದಿನ ಜವನ್ದಿ . ಕೆರ್ತಿನ ಅಮ್ಮೆ ಉಮ್ಮರ್ ಫಾರೂಕ್ ನ್ ಪೊಲೀಸೆರ್ ವಶೊಕು ಗೆತೊಂದೆರ್. ಕಲ್ಕುನ ಶಬ್ದ ಕೇನ್ದ್ ನೆರೆಕರೆತಕುಲು ಬತ್ತ್ದ್ ತೂನಗ ಪೊಣ್ಣು ನೆತ್ತೆರ್ದ ಮಡುಟು ಬೂರ್ದಿನ ತೋಜಿದ್ ಬೈದ್ಂಡ್. ಅಪಗನೇ ಆಸ್ಪತ್ರೆಗ್ ಲೆತೊಂದು ಪೋಂಡಲಾ ಜೂವ ಒರಿತೊನರೆ ಆತಿಜಿ. ಈ ನಡಕೆ ನಡಪುನಗ ಪೊಣ್ಣನ ಅಪ್ಪೆಲಾ ಇಲ್ಲಡ್ ಇತ್ತೆರ್ಗೆ.
ಪಿದಯೂರುಡು ಇತ್ತಿನ ಉಮ್ಮರ್ ಫಾರೂಕ್ ಮೂಜಿ ತಿಂಗೊಲುಗು ದುಂಬು ಊರುಗ್ ಬತ್ತಿತ್ತೆ. ಆಸ್ತಿಗ್ ಬೋಡಾದ್ ಅಪಗಪಗ ಲಡಯಿ ಆವೊಂದಿತ್ತ್ಂಡ್ಗೆ. ಜಾಗೆಗ್ ಪೊಲೀಸೆರ್ ಬತ್ತಿತ್ತ್ದ್, ಜಡ್ತೆ ಮಲ್ತೊಂದುಲ್ಲೆರ್.