Last updated on February 15th, 2026 at 08:55 am
ಕುಡ್ಲ, ಫೆ. 15: ಮಹಾ ಶಿವರಾತ್ರೆದ ಲೆಕ್ಕೊಡು ಪ್ರಜಾಪಿತ ಬ್ರಹ್ಮಕುಮಾರಿ ಈಶ್ವರೀ ವಿಶ್ವವಿದ್ಯಾಲಯೊದ ಕಡೆರ್ದ್ ದ್ವಾದಶ ಜ್ಯೋತಿರ್ಲಿಂಗೊಲೆನ ದರ್ಶನ ಮಹೋತ್ಸವನ್ ಕದ್ರಿ ಮೈದಾನೊಡು ಅಟ್ಟನೆ ಮಲ್ತ್ದೆರ್.
ಈ ಆಧ್ಯಾತ್ಮಿಕ ಪ್ರದರ್ಶನೊಡು ಭಾರತ ದೇಶೊದ ಬೇತೆ ಬೇತೆ ಭಾಗೊಲೆಡ್ ಇಪ್ಪುನ 12 ಜ್ಯೋತಿರ್ಲಿಂಗೊಲೆನ ಒರು ಉಂಡು ಮಲ್ತ್ದ್, ಭಕ್ತೆರೆಗ್ ಒಂಜೇ ಜಾಗೆಡ್ ದರ್ಶನ ಮಲ್ಪುನ ವಿಶೇಷ ವ್ಯವಸ್ಥೆ ಮಲ್ತ್ದೆರ್.
ಶಿವರಾತ್ರೆದ ಪೊರ್ತುಡು ಉಪವಾಸ, ಧ್ಯಾನ ಬೊಕ್ಕ ಸಕಾರಾತ್ಮಕ ಚಿಂತನೆಲೆನ ಮುಕೇನ ಆತ್ಮೋನ್ನತಿ ಸಾದಿಪೊಡು ಪನ್ದ್ ಆಯೋಜಕೆರ್ ಲೆಪ್ಪು ಕೊರ್ತೆರ್. ಕದ್ರಿ ಮೈದಾನೊಡು ನಡತೊಂದುಪ್ಪುನ ಈ ದರ್ಶನ ಮಹೋತ್ಸವಗ್ ಭಕ್ತೆರ್ ಬತ್ತ್ದ್ ಆಧ್ಯಾತ್ಮಿಕ ಅನುಭವ ಗೆತೊನೊಂದುಲ್ಲೆರ್. ಬೇತೆ ಬೇತೆ ಸಾಂಸ್ಕೃತಿಕ ಕಾರ್ಯಕ್ರಮೊಲು, ಧ್ಯಾನ ಶಿಬಿರೊಲು ಬೊಕೂ ಆಧ್ಯಾತ್ಮಿಕ ಉಪನ್ಯಾಸಲೆನಲಾ ಅಟ್ಟನೆ ಆತ್ಂಡ್.