Last updated on February 26th, 2026 at 03:54 pm
ಬೆಂಗಳೂರು, ಫೆ. 26: ರೌಡಿಶೀಟರ್ ಪವನ್ ಕುಮಾರ್ ಪನ್ಪಿನಾಯನ್ ಆಯನ ಅಪ್ಪೆನ ಎದುರೇ ಕೆಂಗುಡೆರ್ ಬರ್ಬರವಾದ್ ಕೆರ್ತಿನ ನಡಕೆ ಬೆಂಗಳೂರ್ ಪೇಂಟೆದ ಥಣಿಸಂದ್ರ ಅಮರಜ್ಯೋತಿ ಲೇಔಟ್ಡ್ ಡತ್ದ್ಂಡ್. ಡಿಜೆ ಹಳ್ಳಿದ ಕಪಿಲ್ನ್ ಕೆರ್ತಿನ ಪ್ರಕರಣೊಡು ಪಾಲ್ಪಡೆತಿನ ಪವನ್ ಕುಮಾರ್ ಪನ್ಪಿನಾಯೆನೇ ಆಯನ ಅಪ್ಪೆನ ಎದುರೇ ಬರ್ಬರವಾದ್ ಕೊಲೆ ಆತಿನಾಯೆ. ಮೂಜಿ ವರ್ಸೊಗು ದುಂಬು ಕಪಿಲ ಪನ್ಪಿನಾಯನ್ ಕೆರ್ತಿನ ಪಗೆಟ್ ನಡತಿನ ರಿವೇಂಜ್ ಮರ್ಡರ್ ಪನ್ದ್ ಅಂದಾಜಿ ಮಲ್ತಿತ್ತ್ದ್, ಪೊಲೀಸೆರ್ ಜಡ್ತೆ ಮಲ್ತೊಂದುಲ್ಲೆರ್.
ಮೂಜಿ ಬೈಕ್ಲೆಡ್ ಹೆಲ್ಮೆಟ್ ಪಾಡೊಂದು ಬತ್ತಿತ್ತಿನ ಆಜಿ ಜನ ಕೆಂಗುಡೆರ್, ಪವನ್ ಕುಮಾರ್ನ ಇಲ್ಲದ ಕೈತಲ್ ದಾಳಿ ಮಲ್ತ್ದೆರ್. ಪವನ್ ಇಲ್ಲ ಎದುರು ಬತ್ತ್ದ್ ಉಂತಿನೆಟ್ಟಿಗೇ, ಆಯನ ಪೆದ್ದಿ ಅಪ್ಪೆನ ಎದುರುಡೇ ಮಾರಕಾಸ್ತ್ರೊಲೆಡ್ ಬೋಡು ಬೋಡಾಯಿ ಲೆಕ ಕಡ್ತ್ದ್ ಕೆರ್ದ್ ಪದ್ರಾಡಾತೆರ್. ಮಗನ್ ಬದ್ಕಾಯೆರ ಅಪ್ಪೆ ತೂಂಡಲಾ ದಾಲ ಪ್ರೇಜನ ಆತಿಜಿ.
ಕರಿನ ಮೂಜಿ ವರ್ಸೊಗು ದುಂಬು ಡಿಜೆ ಹಳ್ಳಿಡ್ ಕಪಿಲ್ ಪನ್ಪಿನಾಯನ್ ಕೆರ್ದಿತ್ತೆರ್. ಆ ಕೇಸ್ಡ್ ಈ ಪವನ್ ಕುಮಾರ್ A5 ಆರೋಪಿ ಆದಿತ್ತೆ. ಕಪಿಲನ ನ್ಲಾ ಮೋನೆ ತೋಜಂದಿಲೆಕ ಹೆಲ್ಮೆಟ್ ಪಾಡೊಂದು ಬತ್ತ್ದ್ 6 ಜನ ಕಡ್ತ್ ಕೆರ್ದಿತ್ತೆರ್. ಅಂಚೆನೇ ಬತ್ತ್ದ್ ಪವನ್ ಕುಮಾರ್ ನ್ಲಾ ಕಡ್ತ್ದ್ ಕೆರ್ತೆರ್. ಕಪಿಲನ ಮೆಗ್ಯೆ ಪ್ರೇಮ್ ಸೇರ್ದ್ ಒಂತೆ ಜನೊತ ಮಿತ್ತ್ ಅನುಮಾನ ಇತ್ತ್ದ್, ಪ್ರೇಮ್ ಫಾಲೋ ಮಲ್ತೊಂದುಲ್ಲೆ ಪನ್ದ್ ಅಪ್ಪೆಡ ಪವನ್ ಪನ್ದಿತ್ತೆಗೆ. ಅಂಚಾದ್ ರಿವೆಂಜ್ ಗ್ ಬೋಡಾದ್ ಅವ್ವೇ ರೀತಿ ಪವನ್ ಕುಮಾರ್ನ್ ಕೆರ್ತೆರಾ ಪನ್ಪಿ ಅನುಮಾನ ಜೋರಾತ್ಂಡ್.