Last updated on February 7th, 2026 at 09:09 am
ಮುಲ್ಕಿ, 07: ಸಾದಿ ಬರಿಟ್ ಬಸ್ಗ್ ಕಾತೊಂದಿತ್ತಿನ ಅಪ್ಪೆ, ಮಗಲೆಗ್ ಟ್ರೈಲರ್ ಗಾಡಿ ಎಡ್ತಿನೆರ್ದಾವರ ಇರ್ವೆರೆಗ್ಲಾ ಗಾತಿದ ಗಡಿಕುಲಾತಿನ ನಡಕೆ ಮುಲ್ಕಿದ ಪಾವಂಜೆ ದೇಲಂತಡೆದ ಎದುರು ಕೋಡೆ, ಶುಕ್ರವಾರ ಬಯ್ಯಡ್ ನಡತ್ದ್ಂಡ್.
ಗಡಿಕುಲಾತಿನಕ್ಲು ಟೀಚರ್ ಕುಸುಮಾ ಬೊಕ್ಕ ಆರೆನ ಮಗಲ್ ಸುಮಲತಾ (14) ಪನ್ದ್ ಪೊಲೀಸೆರ್ ಒಲವು ಕೊರ್ತೆರ್. ಅಕುಲು ಪಾವಂಜೆಡ್ ಉಂತುದು ಬಸ್ಗ್ ಕಾತೊಂದಿಪ್ಪುನಗ ಕುಡ್ಲರ್ದ್ ಒಡಿಪುದಂಚಿ ಪೋವೊಂದಿತ್ತಿನ ಟ್ರೈಲರ್ ಗಾಡಿ ಎಡ್ತ್ದ್ಂಡ್.
ಎಡ್ತೆಡ್ ಕುಸುಮಾ ಮೆರೆಗ್ ಗಾತಿದ ಗಡಿಕುಲಾದಿತ್ತ್ದ್, ಸುಮಲತಾ ಗ್ಲಾ ಒಂತೆ ಗಡಿಕುಲಾತ ಪನ್ದ್ ತೆರಿದ್ ಬೈದ್ಂಡ್. ಜಾಗೆಗ್ ಬಡಕಾಯಿ ಕುಡ್ಲ ಸಂಚಾರ ಪೊಲೀಸ್ ನಿರೀಕ್ಷಕೆ ಶಿವಕುಮಾರ್ ಬತ್ತ್ದ್ ಪರಿಶೀಲನೆ ಮಲ್ತ್ದ್, ಟ್ರೈಲರ್ನ್ ವಶೊಕು ಗೆತೊಂದೆರ್ ಪನ್ದ್ ತೆರಿದ್ ಬೈದ್ಂಡ್.