Last updated on March 6th, 2026 at 11:50 am
ಬೆಂಗಳೂರ್, ಮಾ. 06: ಕರ್ನಾಟಕ ಸರ್ಕಾರ 16 ವರ್ಸೊದ ಉಲಯಿದ ಜೋಕುಲೆಗ್ ಸೋಷಿಯಲ್ ಮೀಡಿಯಾ (Social Media) ಗಲಕೆ ಬ್ಯಾನ್ ಮಲ್ಪುನ ಬಗೆಟ್ ಮಲ್ಲ ನಿರ್ಧಾರ ಗೆತೊಂದುಂಡು. ಜೋಕುಲೆನ ಮೊಬೈಲ್ ಗಲಕೆ ಬೊಕ್ಕ ಡಿಜಿಟಲ್ ವ್ಯಸನೊರ್ದು ಆಪುನ ಆರೋಗ್ಯ, ಮಾನಸಿಕ ಬೊಕ್ಕ ಸಾಮಾಜಿಕ ಸಮಸ್ಯೆಲೆನ ಬಗೆಟ್ ಈ ಇನಯೊಡು ಚರ್ಚೆ ಮಲ್ತ್ದ್, ಸಂಚಲನಕಾರಿ ನಿಲವುಡು ಸರ್ಕಾರ ಈ ಕ್ರಮೊನು ಘೋಷಣೆ ಮಲ್ತ್ದ್ಂಡ್. ಉಂದೆರ್ದಾವರ ಆಪ್ರಾಪ್ತ ಜೋಕುಲೆಗ್ ಸೋಶಿಯಲ್ ಮೀಡಿಯಾ ದುರುಪಯೋಗ ತಪ್ಪಾದ್, ಅಕ್ಲೆನ ಆರೋಗ್ಯ ಬೊಕ್ಕ ಭವಿಷ್ಯೊನು ಎಡ್ಡೆ ರೀತಿಡ್ ಕಾಪೆರ ಸರ್ಕಾರ ಲೆಕ್ಕ ಪಾಡ್ದ್ಂಡ್.
ಮೊಬೈಲ್ ಗಲಕೆ ಬೊಕ್ಕ ಡಿಜಿಟಲ್ ವ್ಯಸನೊದ ಪರಿಣಾಮೊಲೆನ ಬಗೆಟ್ ಮಾಧ್ಯಮೊಲು ವರದಿ ಮಲ್ತೊಂದೇ ಇಪ್ಪೆದ. ಜೋಕುಲೆಗ್ ಆಪಿನ ತೊಂದರೆಲೆನ್ ತೋಜಾದ್, ಸಾರ್ವಜನಿಕೆರೆ ಗುಮನ ಒಯ್ತಿತ್ತ. ಇತ್ತೆ 2025-26ದ ಆರ್ಥಿಕ ಸಮೀಕ್ಷೆ ಬೊಕ್ಕ ಬಜೆಟ್ ಕಾರ್ಯಕ್ರಮೊಡು ಮುಖ್ಯಮಂತ್ರಿಲು 16 ವರ್ಸೊದ ಉಲಯಿದ ಜೋಕುಲೆಗ್ ಮೊಬೈಲ್ ಬೊಕ್ಕ ಸಾಮಾಜಿಕ ಬಲೆತ್ತಾನೊದ ಗಲಕೆನ್ ನಿರ್ಬಂಧ ಮಲ್ಪುನ ಬಗೆಟ್ ಘೋಷಣೆ ಮಲ್ತ್ದೆರ್.
ಕರ್ನಾಟಕ ಸರ್ಕಾರ 16 ವರ್ಸೊದ ಉಲಯಿದ ಜೋಕುಲೆಗ್ ಸೋಷಿಯಲ್ ಮೀಡಿಯಾ ಗಲಕೆನ್ ಬ್ಯಾನ್ ಮಲ್ಪುನ ಬಗೆಟ್ ಚಿಂತನೆ ಮಲ್ತಿತ್ತ್ಂಡ್. ಐಟಿ-ಬಿಟಿ ಸಚಿವೆ ಪ್ರಿಯಾಂಕ್ ಖರ್ಗೆ ವಿಧಾನಸಭೆ ವಿಶೇಷ ಅಧಿವೇಶನೊಡು, ಸಾಮಾಜಿಕ ಮಾಧ್ಯಮೊದ ಕಲುಗಲಕೆರ್ದಾವರ ಜೋಕುಲೆಗ್ ಆವೊಂದುಪ್ಪುನ ಹಾನಿ ಬಾರೀ ಗಾತಿದ ಪನ್ದ್ ತೆರಿಪಾದಿತ್ತೆರ್. ಫಿನ್ಲ್ಯಾಂಡ್ ಈ ಬಗೆಟ್ ಕ್ರಮ ಗೆತೊಂದಿತ್ತ್ದ್, ಬ್ರಿಟನ್ ಚಿಂತನೆ ಮಲ್ತಿತ್ತ್ಂಡ್; ಆಸ್ಟ್ರೇಲಿಯಾ ರಡ್ಡ್ ತಿಂಗೊಲುಗು ದುಂಬು ನಿಷೇಧ ಘೋಷಣೆ ಮಲ್ತಿತ್ತ್ಂಡ್. ಈ ಮಾಡೆಲ್ಲೆನ್ ದುಂಬು ದೀವೊಂದು ಕರ್ನಾಟಕೊಡು ‘ಡಿಜಿಟಲ್ ಡಿಟಾಕ್ಸಿಫಿಕೇಷನ್’ ಬೊಕ್ಕ ‘ಬಿಯಾಂಡ್ ಸ್ಕ್ರೀನ್ಸ್’ ಕಾರ್ಯಕ್ರಮೊಲೆನ ಮುಕೇನ ಜೋಕುಲೆಗ್ ಜವಾಬ್ದಾರಿಯುತ ಗಲಕೆಗ್ ಮಾರ್ಗದರ್ಶನ ಕೊರ್ದಿತ್ತ್ಂಡ್. 2025-26 ಆರ್ಥಿಕ ಸಮೀಕ್ಷೆಡ್ ಪ್ರಾಯೊದ ಆಧಾರೊಡು ನಿರ್ಬಂಧ ಶಿಫಾರಸ್ ಮಲ್ತ್ದ್ಂಡ್ ಪನ್ದ್ ಎಸ್. ಸುರೇಶ್ ಕುಮಾರ್ ತೆರಿಪಾದಿತ್ತೆರ್. ಇತ್ತೆ ಅಧಿಕೃತವಾದ್ 2026-27ತ ಕರ್ನಾಟಕ ಬಜೆಟ್ಡ್ ಜೋಕುಲೆಗ್ ಸೋಶಿಯಲ್ ಮೀಡಿಯಾ ಬ್ಯಾನ್ ಮಲ್ಪುನ ನಿರ್ಧಾರ ಗೆತೊಂದೆರ್.