ಕುಡ್ಲ : ದ.ಕ ಜಿಲ್ಲಾ ಬಿಜೆಪಿ ವಕ್ತಾರೆ ಸತೀಶ್ ಪ್ರಭು ತೀರ್ಯೆರ್

Last updated on March 3rd, 2026 at 04:25 pm

ಕುಡ್ಲ, ಮಾ. 03: ಮಂಗಳೂರು ಜಿಲ್ಲೆಯ ರಾಷ್ಟ್ರೀಯ ಸ್ವಯಂಸೇವಕ ಸಂಘೊದ ಪೆರಿಯ ಕಾರ್ಯಕರ್ತೆ ಅಂಚೆನೇ ಬಿಜೆಪಿ ಮುಖಂಡೆರಾದಿತ್ತಿನ ಸತೀಶ್ ಪ್ರಭು ಇನಿ ತೀರ್ಯೆರ್.

ಕಾಂಡೆ ಒರರ್ದ್ ಒರಾನೆ ಬ್ರೈನ್ ಹ್ಯಾಮರೇಜ್‌ ಆತಿನ ಆರೆನ್ ಕುಡ್ಲದ ಪ್ರೈವೇಟ್ ಆಸ್ಪತ್ರೆಗ್ ದಾಕಲ್ತ್‌ದಿತ್ತೆರ್. ಆಂಡ ಮರ್ದ್ ಪಲಿಪಂದೆ ಮಧ್ಯಾಹ್ನದ ಪೊರ್ತುಗು ಆರ್ ತೀರ್ದೆರ್ ಪನ್ದ್ ಇಲ್ಲದ ಮೂಲೊಲೆರ್ದ್ ತೆರಿದ್‌ಬೈದ್ಂಡ್. ಸತೀಶ್ ಪ್ರಭು ಮೇರ್ ಇತ್ತೆ ಬಿಜೆಪಿ ಮಂಗಳೂರು ಜಿಲ್ಲಾ ಸಮಿತಿದ ವಕ್ತಾರೆ ಆದ್ ಬೇಲೆ ಮಲ್ತೊಂದಿತ್ತೆರ್. ಆರ್ ಆರ್‌ಎಸ್‌ಎಸ್ ಸಂಘಟನೆದ ಪೆರಿಯ ಕಾರ್ಯಕರ್ತೆರಾದ್‌ಲಾ ಬೆನ್ತೆರ್.

ಕುಡ್ಲದ ಪುಗರ್ತೆದ ಕಾರ್ ಸ್ಟ್ರೀಟ್ ಶ್ರೀ ವೆಂಕಟರಮಣ ದೇವಸ್ಥಾನೊದ ಟ್ರಸ್ಟಿಯಾದ್ ಸೇವೆ ಮಲ್ತೊಂದಿತ್ತಿನ ಆದ್, ಸಂಘನಿಕೇತನೊಡು ಕೇಶವ ಸ್ಮೃತಿ ಸಂವರ್ಧನ ಸಮಿತಿರ್ದ್ ನಡಪುನ ಗಣೇಶೋತ್ಸವ ಸೇರ್ದ್ ಬೇತೆ ಬೇತೆ ಧಾರ್ಮಿಕ ಬೊಕ್ಕ ಸಾಮಾಜಿಕ ಕಾರ್ಯಕ್ರಮೊಲೆಡ್ ಸಕ್ರಿಯೆರಾದ್ ಪಾಲ್‌ಪಡೆಪೆದೆರ್. ರಾಜಕೀಯ ಜೂವನೊಡು ಒಂಜಿ ನಿಲವುಡು ಆರ್ ಬಿಜೆಪಿನ್ ಬುಡ್ದ್ ಭಾರತೀಯ ರಾಷ್ಟ್ರೀಯ ಕಾಂಗ್ರೆಸ್ ಪಕ್ಷೊಗು ಸೇರ್ದಿತ್ತೆರ್. ಬೊಕ್ಕ ಕುಡ ಬಿಜೆಪಿಗ್ ಪಿರಬತ್ತ್‌ದ್ ಸಂಘಟನೆಡ್ ಸಕ್ರಿಯೆರಾದಿತ್ತೆರ್ ಪನ್ದ್ ತೆರಿದ್ ಬೈದ್ಂಡ್. ಸತೀಶ್ ಪ್ರಭು ಮೆರೆನ ಅಗಪುಗು ರಾಜಕೀಯ ಬೊಕ್ಕ ಸಾಮಾಜಿಕ ವಲಯೊರ್ದು ಸಂತಾಪ ತೂಪಾದೆರ್.