Last updated on March 7th, 2026 at 10:07 am
ದೆಲ್ಲಿ, ಮಾ. 07: ಗಲ್ಫ್ ದೇಶೊಲೆಡ್ ನಡತೊಂದುಪ್ಪುನ ಕೊಲಲೊದ ಪರಿಣಾಮ ಭಾರತೊಡ್ಲಾ ತೋಜೊಂದಿತ್ತ್ದ್, ಎಲ್ಪಿಜಿ ಸಿಲಿಂಡರ್ದ ರೇಟ್ನ್ ಏರ್ತ್ದೆರ್. ಪರಿಷ್ಕೃತ ರೇಟ್ ಶನಿವಾರೊರ್ದೇ ಜಾರಿಗ್ ಬೈದ್ಂಡ್.
ಡೊಮೆಸ್ಟಿಕ್ ಗಲಕೆದ 14.2 ಕೆಜಿ ಎಲ್ಪಿಜಿ ಸಿಲಿಂಡರ್ದ ರೇಟ್ ₹60 ಎಚ್ಚ ಮಲ್ತ್ದೆರ್, ಕಮರ್ಷಿಯಲ್ ಗಲಕೆದ 19 ಕೆಜಿ ಸಿಲಿಂಡರ್ಗ್ ₹115 ಎಚ್ಚ ಮಲ್ತ್ದೆರ್. ಈ ರೇಟ್ ಏರ್ತೆಲ್ ಸಾಮಾನ್ಯ ಇಲ್ಲ್ಲೆನ ಒಟ್ಟುಗು ಹೋಟೆಲ್, ರೆಸ್ಟೋರೆಂಟ್ ಬೊಕ್ಕ ಎಲ್ಯ ವಾಣಿಜ್ಯ ಸಂಸ್ಥೆಲೆನ ಮಿತ್ತ್ಲಾ ಪರಿಣಾಮ ಮಲ್ಪುನ ಸಾಧ್ಯತೆ ಉಂಡು.
ರೇಟ್ ಏರ್ಪುನೆಕ್ ದುಂಬು ಬೆಂಗಳೂರ್ಡ್ ಡೊಮೆಸ್ಟಿಕ್ ಸಿಲಿಂಡರ್ಗ್ ₹855.50 ಇತ್ತ್ಂಡ್. ಇತ್ತೆ ಅವು ₹915.50ಕ್ ಏರ್ದ್ಂಡ್. ದೆಲ್ಲಿಡ್ ₹913, ಮುಂಬೈಡ್ ₹912.50 ಬೊಕ್ಕ ಚೆನ್ನೈಡ್ ₹928.50ಕ್ ಡೊಮೆಸ್ಟಿಕ್ ಸಿಲಿಂಡರ್ದ ರೇಟ್ ಏರ್ದ್ಂಡ್.
2025ತ ಏಪ್ರಿಲ್ರ್ದ್ ಬೊಕ್ಕ ದೇಶೀಯ ಎಲ್ಪಿಜಿ ಸಿಲಿಂಡರ್ ರೇಟ್ದ ದಾಲ ಎಚ್ಚಿಕಮ್ಮಿ ಆದಿಜ್ಜಂಡ್. ಸುಮಾರ್ ಒಂಜಿ ವರ್ಸ ಕರಿದ್ ಇತ್ತೆ ರೇಟ್ ಪರಿಷ್ಕರಣೆ ಮಲ್ತ್ದೆರ್.