Last updated on March 16th, 2026 at 11:01 am
ಒಡಿಪು, ಮಾ, 16: ಡ್ರೈವರ್ನ ಅಂಕೆ ತತ್ತ್ದ್ ಗ್ಯಾಸ್ ದಿಂಜಿನ ಬುಲೆಟ್ ಟ್ಯಾಂಕರ್ ಕಬ್ಬೆ ಬೂರ್ದಿನ ನಡಕೆ ಕಟಪಾಡಿದ ಕೈತಲ್ ರಾಷ್ಟ್ರೀಯ ಪೆರ್ಸಾದಿ 66 ಟ್ ಇನಿ ಕಾಂಡೆ ನಡತ್ದ್ಂಡ್.
ಕಟಪಾಡಿ ಜಂಕ್ಷನ್ಡ್ ನಡತೊಂದುಪ್ಪುನ ಅಂಡರ್ ಪಾಸ್ ಬೇಲೆಗ್ ಬೋಡಾದ್ ಸಾದಿಡ್ ಡೈವರ್ಶನ್ ಮಲ್ತಿತ್ತೆರ್. ಈ ತಿರ್ಗೆಲ್ಡ್ ಬೀಸ ಬತ್ತಿನ ಟ್ಯಾಂಕರ್ನ್ ಡ್ರೈವರ್ ಒರರ್ದ್ ಒರಾನೆ ತಿರ್ಗಾದಿನೆರ್ದಾವರ ಪಲ್ಟಿ ಆತ್ಂಡ್ ಪನ್ದ್ ತೆರಿದ್ ಬೈದ್ಂಡ್. ಕುಡ್ಲರ್ದ್ ಒಡಿಪು ದಂಚಿ ಪೋವೊಂದಿತ್ತಿನ ಗ್ಯಾಸ್ ದಿಂಜಿನ ಬುಲೆಟ್ ಟ್ಯಾಂಕರ್ ಉಂದಾದುಂಡು. ಅಪಗನೇ ಜಾಗೆಗ್ ಬತ್ತಿನ ಒಡಿಪು ಅಗ್ನಿಶಾಮಕ ದಳೊದ ಮೂಜಿ ಗಾಡಿಲು ಟ್ಯಾಂಕರ್ಗ್ ನೀರ್ ಪತ್ತುನ ಮುಕೇನ ತಂಪು ಮಲ್ತ್ ದೀವರೆ ಪುನೆಯೊಂದುಲ್ಲ.
ಅಂಚೆನೇ ಬೇತೆ ಟ್ಯಾಂಕರ್ಲೆಡ್ ನೀರ್ ಕನತ್ದ್ ಪತ್ತೊಂದುಲ್ಲೆರ್. ಜಾಗೆಗ್ ತಜ್ಞೆರ್ ಬತ್ತ್ದ್ ಟ್ಯಾಂಕರ್ರ್ದ್ ಗ್ಯಾಸ್ ಶಿಫ್ಟ್ ಮಲ್ಪರೆ ತೂಪೆರ್ ಪನ್ದ್ ಮೂಲೊಲು ತೆರಿಪಾದ. ಜಾಗೆಡ್ ಪೊಲೀಸೆರ್ ಬೊಕ್ಕ ಅಗ್ನಿಶಾಮಕ ಅಧಿಕಾರಿಲು ಉಲ್ಲೆರ್. ಉಂದೆರ್ದಾವರ ಸುಮಾರ್ ಒಂಜಿ ಗಂಟೆದಾತ್ ಪೊರ್ತು ಸಂಚಾರೊಗು ತಲೆಪು ಆಂಡ್. ಒಂಜಿ ಬರಿತ ಸಾದಿನ್ ಬಂದ್ ಮಲ್ತ್ದ್ ಕಟಪಾಡಿದ ಉಲಯಿದ ಸಾದಿಡೆ ಗಾಡಿಲೆಗ್ ಪೋಯೆರ ಅನು ಕೊರ್ತೆರ್.