Last updated on March 16th, 2026 at 01:21 pm
ದುಬೈ, ಮಾ. 16: ಇರಾನ್ ಗಲ್ಫ್ ರಾಷ್ಟ್ರೊಲೆನ ಮಿತ್ತ್ ಕುಡ ಡ್ರೋನ್ ದಾಳಿನ್ ದುಂಬರಿತ್ದ್ಂಡ್. ಅಮೆರಿಕಾ-ಇರಾನ್ ಕೊಲಲ ಮೂಜನೇ ವಾರೊಗು ಎತ್ತ್ದ್ಂಡ್. ಸೋಮವಾರ ಪುಲ್ಯ, ವಿಶ್ವದ ಬಾರೀ ಜನಸೇರುನ ವಿಮಾನ ಉಂತಡೆ ಆಯಿನ ದುಬೈ ಇಂಟರ್ನ್ಯಾಷನಲ್ ಏರ್ಪೋರ್ಟ್ದ ಕೈತಲ್ ಸೂ ಪತೊಂದುಂಡು.
ಗಲ್ಫ್ ರಾಷ್ಟ್ರೊಲೆನ ಮಿತ್ತ್ ಮಿಸೈಲ್ ಬೊಕ್ಕ ಡ್ರೋನ್ ದಾಳಿ ದುಂಬರಿತ್ದಿನ ಇರಾನ್, ಇಸ್ರೇಲ್ ಬೊಕ್ಕ ಅಮೆರಿಕದ ಮಿತ್ತ್ ಪಗೆ ಸಾದ್ಯೊಂದುಂಡು. ಇರಾನ್ ದಾಳಿರ್ದ್ ದುಬೈ ಏರ್ಪೋರ್ಟ್ದ ಕೈತಲ್ ಭದ್ರತೆ ಎಚ್ಚ ಮಲ್ತ್ದೆರ್. ಅಂಚೆನೇ ಮಾತಾ ವಿಮಾನೊಲೆನ್ ರಾಪಾವುನೆನ್ ಉಂತಾದೆರ್. ಇತ್ತೆ ನಡತ್ದಿನ ದಾಳಿಡ್ ಏರೆನಲಾ ಜೂವ ಪೋತಿನ ವರದಿ ಆತಿಜಿ. ಸಿವಿಲ್ ಡಿಫೆನ್ಸ್ ರಪಕ್ಕ ಕಾರ್ಯಾಚರಣೆ ಮಲ್ತ್ದ್ ಸೂ ತೆಕ್ಕಾದ್, ಆ ಜಾಗೆಡ್ ಇತ್ತಿನ ತೈಲ ಟ್ಯಾಂಕರ್ಲೆಗ್ ಸೂ ಪತೊನಂದಿಲೆಕ ತೂತುಂಡು.
ಡ್ರೋನ್ ದಾಳಿರ್ದ್ ಬೊಕ್ಕ ಏರ್ಪೋರ್ಟ್ ಕಟ್ವಾನೊಲೆಗ್ ಸೂ ಪತೊಂದಿನ, ಅವೆರ್ದ್ ಉಂಡಾತಿನ ಪುಗೆ ಮಾತಾ ವಿಡಿಯೋಡ್ ಕೈದಾತ್ಂಡ್.