Last updated on March 16th, 2026 at 09:43 am
IPL 2026: ಐಪಿಎಲ್ದ ಹಾಲಿ ಚಾಂಪಿಯನ್ ಆದುಪ್ಪುನ ರಾಯಲ್ ಚಾಲೆಂಜರ್ಸ್ ಬೆಂಗಳೂರು (RCB) ಕೂಟ ಈ ಸರ್ತಿ ತನ್ನ ಜೆರ್ಸಿದ ಮೇಲೆ ಮಿತ್ತ್ ಬಂಗಾರ್ ರಂಗ್ದ ಐಪಿಎಲ್ ಲೋಗೋ (Golden IPL Logo) ಪಾಡೊನ್ರ ಉಂಡು. ಒರಿನ 9 ಕೂಟೊಲು ಸಾಧಾರಣ ಐಪಿಎಲ್ ಲೋಗೋಡ್ ತೋಜುವ.
ಐಪಿಎಲ್ಡ್ ಚಾಂಪಿಯನ್ ಪಟ್ಟೊಗು ಏರ್ದಿನ ಕೂಟೊಗು ಮಾನಾದಿಗೆ ಮಲ್ಪೆರ ಈ ವಿಶೇಷ ಕಟ್ಟ್ನ್ ದುಂಬುರ್ದಿಂಚಿ ಮಲ್ತೊಂದು ಬೈದೆರ್. ಆ ಪ್ರಕಾರ ಕರಿನ ವರ್ಸೊದ ಚಾಂಪಿಯನ್ ಆರ್ಸಿಬಿ ಕೂಟ ಈ ಸರ್ತಿ ಗೋಲ್ಡನ್ ಐಪಿಎಲ್ ಲೋಗೋಡು ಕಲೊಕು ಜಪ್ಪುಂಡು.
ಅಂಚೆನೇ ಈ ಸರ್ತಿದ ಆರ್ಸಿಬಿ ಜೆರ್ಸಿಡ್ ಒಂಜಿ ದಾರಗೆ ಇಪ್ಪುಂಡು , ಉಂದು ಕೂಟೊದ ಕಡೀರ ಐಪಿಎಲ್ ಟ್ರೋಫಿ ಗೆಲ್ಮೆನ್ ತೂಪಾವುಂಡು. ಪನ್ಡ ಉಂದೇ ಕಡೀರ ಸರ್ತಿ ಆರ್ಸಿಬಿ ಸ್ಟಾರ್ ಬೊಕ್ಕ ಚಾಂಪಿಯನ್ ಬ್ಯಾಡ್ಜ್ದ ಒಟ್ಟುಗು ಕಲೊಕು ಜಪ್ಪುನವು ವಿಶೇಷ.
ಕರಿನ ವರ್ಸ ಅಹಮದಾಬಾದ್ಡ್ ನಡತಿನ ಫೈನಲ್ಡ್ ಪಂಜಾಬ್ ಕಿಂಗ್ಸ್ ಕೂಟೊನು ಸೋಪಾದ್ ರಜತ್ ಪಾಟಿದಾರ್ ಮುತಾಲಿಕೆದ ಆರ್ಸಿಬಿ, 18 ವರ್ಸೊರ್ದಿಂಚಿ ಕಾತೊಂದಿತ್ತಿನ ಟ್ರೋಫಿನ್ ಗೆಂದ್ದ್ಂಡ್. ಈ ಐತಿಹಾಸಿಕ ಗೆಲ್ಮೆದ ಕುಸಿತ ಭಾಗ ಆದ್ ಈ ‘ಗೋಲ್ಡನ್ ಜೆರ್ಸಿ’ ನ್ ಡಿಸೈನ್ ಮಲ್ತ್ದೆರ್.
2026ತ ಐಪಿಎಲ್ (IPL 2026) ಮಾರ್ಚ್ 28, 2026 ರ್ದ್ ಸುರು ಆಪುಂಡು. ಉದಿಪನದ ಗೊಬ್ಬು ಬೆಂಗಳೂರ್ದ ಎಂ. ಚಿನ್ನಸ್ವಾಮಿ ಕ್ರೀಡಾಂಗಣೊಡು ನಡಪರೆ ಇತ್ತ್ದ್, ಈ ಗೊಬ್ಬುಡು ಹಾಲಿ ಚಾಂಪಿಯನ್ ರಾಯಲ್ ಚಾಲೆಂಜರ್ಸ್ ಬೆಂಗಳೂರು (RCB) ಬೊಕ್ಕ ಸನ್ ರೈಸರ್ಸ್ ಹೈದರಾಬಾದ್ (SRH) ಕೂಟೊಲು ಎದುರೆದುರಾಯೆರೆ ಉಲ್ಲ.