Last updated on March 13th, 2026 at 02:53 pm
ಶಿರ್ವ, ಮಾ. 13: ಅಟಿಲ್ದ ಬೇಲೆ ಮಲ್ತೊಂದಿತ್ತಿನ ಜವನೆ ಒರಿ ಡೆತ್ ನೋಟ್ ಬರೆದ್ ದೀದ್ ಆತ್ಮಹತ್ಯೆ ಮಲ್ತೊಂದಿನ ನಡಕೆ ಇನಿ, ಶುಕ್ರವಾರ (ಮಾ.13) ಶಂಕರಪುರ ಸಾಲ್ಮರದ ಕ್ಯಾಟರಿಂಗ್ ಶೆಡ್ದ ಕೈತಲ್ ನಡತ್ದ್ಂಡ್.
ಗೌತಮ್ ಪೂಜಾರಿ ಆತ್ಮಹತ್ಯೆ ಮಲ್ತೊಂದಿನ ಜವನೆ. ಸಾಲ್ಮರದ ಕ್ಯಾಟರಿಂಗ್ ಶೆಡ್ದ ಕೈತಲ್ದ ಅದೆಟ್ ಬಲ್ಲ್ ಪಾಡೊಂದು ಆತ್ಮಹತ್ಯೆ ಮಲ್ತೊಂದಿನ ಸ್ಥಿತಿಟ್ ಆರೆನ ಪುನ ತಿಕ್ಕ್ದ್ಂಡ್. ಡೆತ್ ನೋಟ್ ಬರೆದ್ ದೀದ್ ಆತ್ಮಹತ್ಯೆ ಮಲ್ತೊಂದಿತ್ತ್ದ್, ಇಂಚ ಮಲ್ಪರೆ ಪತ್ತ ನೆವನ ತೆರಿದ್ ಬೈದಿಜಿ.
ಬೈಂದೂರ್ ಮೂಲೊದ ಮೇರ್, ಕರಿನ 5-6 ವರ್ಸೊರ್ದಿಂಚಿ ಶಂಕರಪುರಡ್ ಅಟಿಲ್ದ ಬೇಲೆ ಮಲ್ತೊಂದಿತ್ತೆರ್. ಮಾತೆರೇಡಲಾ ಎಡ್ಡೆಡೆ ಇತ್ತಿನ ಗೌತಮ್ ಕೈತಲ್ದ ಬೇತೆ ಬೇತೆ ಸಂಘ-ಸಂಸ್ಥೆಲೆಡ್ ಸಕ್ರಿಯವಾದ್ ಪಾಲ್ಪಡೆಪೆದೆರ್. ಜಾಗೆಗ್ ಶಿರ್ವ ಪೊಲೀಸೆರ್ ಬತ್ತ್ದ್ ಪರಿಶೀಲನೆ ಮಲ್ತ್ದೆರ್.