Last updated on March 4th, 2026 at 08:38 am
ಪುತ್ತೂರ್, ಮಾ. 04: ದರ್ಬೆಡ್ ಬೈಕ್ಡ್ ಬತ್ತಿನಾಯೆ, ಒರಿ ಆಂಜೊವುಗು ಪಿಸ್ತೂಲ್ ತೋಜಾದ್ ಪೋಡಿಕಟ್ಟಾದಿನ ಬಗೆಟ್ ಪುತ್ತೂರ್ ನಗರ ಪೊಲೀಸ್ ಸ್ಟೇಶನ್ಡ್ ಪ್ರಕರಣ ದಾಕಲಾತ್ಂಡ್.
ಕೂರ್ನಡ್ಕ ನಿವಾಸಿ ಅಬ್ದುಲ್ ಹಕೀಂ ಒಯಿಲ್ ಬರೆಪಾದಿನಾರ್. ಆರ್ ಮಾ.2 ತಾನಿ ದರ್ಬೆಡ್ ಕಾರ್ ಉಂತಾದ್ ರಿಕ್ಷಾ ಡ್ರೈವರ್ನಕುಲೆನ ನಡುಟು ನಡತಿನ ಪಾತೆರೊದ ಮಚ್ಮಚ್ನ್ ಸಮಾಧಾನ ಮಲ್ತ್ದ್ ಪಿದಡುನ ಪೊರ್ತುಡು ಟೂವೀಲರ್ಡ್ ಹೆಲ್ಮೆಟ್ ಪಾಡಂದೆ ಬತ್ತಿನ ಸುಮಾರ್ 30 ವರ್ಸ ಪ್ರಾಯೊದ ಆಂಜೊವು ಒರಿ ಪಿಸ್ತೂಲ್ ತೋಜಾದ್ ಶೂಟ್ ಮಲ್ಪೆರ ತೂದಿತ್ತ್ದ್, ಈ ಪೊರ್ತುಡು ಅಬ್ದುಲ್ ಹಕೀಮ್ ಬೊಕ್ಕ ಬೇತೆಕ್ಲು ಸೇರ್ದ್ ಆಯನ್ ಪತ್ತೆರೆ ಪೋನಗ ಆಯೆ ಬೈಕ್ಡ್ ಪದ್ರಾಡಾತೆ ಪನ್ದ್ ಆರೋಪ ಮಲ್ತ್ದೆರ್. ಪಿಸ್ತೂಲ್ ತೋಜಾದ್ ಪೋಡಿಕಟ್ಟಾಯಿನಾಯನ ಮಿತ್ತ್ ಬೋಡಾಪಿನ ಕಾನೂನು ಕ್ರಮ ಗೆತೊನೊಡು ಪನ್ದ್ ಕೇನ್ದ್ ಬರೆಪಾದಿನ ಒಯಿಲ್ದ ಆಧಾರೊಡು ಪೊಲೀಸೆರ್ ಪ್ರಕರಣ ದಾಕಲ್ತೊಂದೆರ್.