ಒಡಿಪು: ಮೂವೆರ್ ರೌಡಿ ಶೀಟರ್‌ ನಕುಲು ಗಡಿಪಾರ್

Last updated on March 15th, 2026 at 05:45 am

ಒಡಿಪು, ಮಾ. 15: ಜಿಲ್ಲೆದ ಪೆರಿಯಡ್ಕ ಪೊಲೀಸ್ ಸ್ಟೇಶನ್ ಸೀಮೆದ ಸಂದೇಶೆ, ಸುಶಾಂತ್ ಬೊಕ್ಕ ಪಡುಬಿದ್ರಿ ಪೊಲೀಸ್ ಸ್ಟೇಶನ್ ಸೀಮೆದ ಜಬ್ಬಾರ್ ಹುಸೇನ್ ಪನ್ಪಿನಕಲೆನ ಮಿತ್ತ್ ಮಾ.12 ತಾನಿ ವಿಶೇಷ ಕಾರ್ಯಾಂಗ ದಂಡಾಧಿಕಾರಿ ಬೊಕ್ಕ ಒಡಿಪು ಪೊಲೀಸ್ ಅಧೀಕ್ಷಕೆರ್ ಗಡಿಪಾರ್ ಆದೇಶ ಕೊರ್ತೆರ್.

ಇಂದೆಟ್ ಕಾಪುದ ನಾಡ್ಸಾಲ್ ಗ್ರಾಮೊದ ಜಬ್ಬಾರ್ ಹುಸೈನ್ ಪನ್ಪಿನಾಯನ ಮಿತ್ತ್ ಪಡ್ಡೆದ್ರ ಸ್ಟೇಶನ್‌ಡ್ ರೌಡಿ ಶೀಟರ್ ಓಪನ್ ಮಲ್ತ್‌ದೆರ್. ಆಯನ ಮಿತ್ತ್ ಒಡಿಪು, ಚಿಕ್ಕಮಗಳೂರು, ಉತ್ತರ ಕನ್ನಡ ಜಿಲ್ಲೆ ಬೊಕ್ಕ ಕುಡ್ಲ ಪೇಂಟೆಡ್ ಇದಮುಟ್ಟ ಒಟ್ಟು 16 ಪ್ರಕರಣೊಲು ದಾಕಲಾದುಲ್ಲ. ಪೆರಿಯಡ್ಕ ಪೊಲೀಸ್ ಸ್ಟೇಶನ್ ಸೀಮೆದ ಸಂದೇಶನ ಮಿತ್ತ್ 5 ಪ್ರಕರಣ ದಾಕಲಾದಿತ್ತ್‌ದ್, ರೌಡಿ ಶೀಟರ್ ಓಪನ್ ಆತ್ಂಡ್. ಬೊಕ್ಕ ಸುಶಾಂತ್‌ನ ಮಿತ್ತ್‌ಲಾ 3 ಪ್ರಕರಣೊಲು ದಾಕಲಾದುಲ್ಲ.

ಜಬ್ಬಾರ್ ಹುಸೈನ್‌ನ್ ಹಾಸನ ಜಿಲ್ಲೆದ ಪೆನ್ನನ್ ಮೊಹಲ್ಲಾ ಸ್ಟೇಶನ್ ಸೀಮೆಗ್, ಸಂದೇಶ್‌ನ್ ಶಿವಮೊಗ್ಗ ಜಿಲ್ಲೆದ ತೀರ್ಥಹಳ್ಳಿ ಪೊಲೀಸ್ ಸ್ಟೇಶನ್ ಸೀಮೆಗ್ ಅಂಚೆನೇ ಸುಶಾಂತ್‌ನ್ ಚಿಕ್ಕಮಗಳೂರು ಜಿಲ್ಲೆದ ಶೃಂಗೇರಿ ಪೊಲೀಸ್ ಸ್ಟೇಶನ್ ಸೀಮೆಗ್ ಗಡಿಪಾರ್ ಮಲ್ತ್‌ದ್ ಆದೇಶ ಕೊರ್ತೆರ್.