Last updated on April 17th, 2026 at 09:21 am
ಸಾಗರ ಎಪ್ರಿಲ್ 17: ಶಿವಮೊಗ್ಗ ಜಿಲ್ಲೆದ ಸಾಗರದ ಎಸ್.ಎಸ್. ನಗರೊಡು ಇಲ್ಲದ ಎದುರು ಗೊಬ್ಬೊಂದುಪ್ಪುನಗ ರಡ್ಡ್ ವರ್ಸ ಪ್ರಾಯೊದ ಬಾಲೆ ಉಚ್ಚು ತುಚ್ಚಿದ್ ತೀರ್ದಿನ ನಡಕೆ ನಡತ್ದ್ಂಡ್. ಅಕ್ಷತಾ ಬೊಕ್ಕ ಗಣೇಶ್ ದಂಪತಿಲೆನ ಮಗೆ ಭವಿನ್ (2) ತೀರ್ದಿನ ಬಾಲೆ.
ಬಾಲೆದಪ್ಪೆ ಅಕ್ಷತಾ ಸಾಗರಡ್ ಇಪ್ಪುನ ತನ್ನ ತಮೆರಿಗ್ ಬತ್ತಿತ್ತೆರ್. ಇಲ್ಲ ಜಾಲ್ಡ್ ಬಾಲೆ ಗೊಬ್ಬೊಂದುಪ್ಪುನಗ ವಿಷತ ಉಚ್ಚು ತುಚ್ಚಿದ್ಂಡ್. ಬಾಲೆ ಜೋರು ಬುಲಿತೊಂದಿತ್ತಿನೆನ್ ಕೇನ್ದ್ ಅಪ್ಪೆ ಅಡೆಗ್ ಬಲ್ತೊದು ಪೋದು ತೂನಗ ಉಚ್ಚು ತುಚ್ಚಿದಿನ ಗಡಿಕುಲು ತೋಜಿದ್ ಬೈದ.
ಅಪಗನೇ ಬಾಲೆನ್ ಸಾಗರ ಉಪವಿಭಾಗೀಯ ಆಸ್ಪತ್ರೆಗ್ ಲೆತೊಂದು ದಾಕಲ್ತ್ದೆರ್. ಬಾಲೆದ ಸ್ಥಿತಿ ಗಾತಿಡ್ ಇತ್ತಿನೆರ್ದಾವರ ಎಚ್ಚಿಗೆ ಮರ್ದ್ಗ್ ಶಿವಮೊಗ್ಗದ ಮೆಗ್ಗಾನ್ ಆಸ್ಪತ್ರೆಗ್ ಲೆತೊಂದು ಪೋತೆರ್. ಆಂಡ, ಮರ್ದ್ ಪಲಿಪಂದೆ ಬಾಲೆ ಭವಿನ್ ಆಸ್ಪತ್ರೆಡ್ ತೀರ್ದೆ. ಈ ಬಗೆಟ್ ಸಾಗರ ಟೌನ್ ಪೊಲೀಸ್ ಸ್ಟೇಷನ್ಡ್ ಪ್ರಕರಣ ದಾಕಲಾತ್ಂಡ್.