Last updated on April 17th, 2026 at 01:35 pm
ಕುಡ್ಲ, ಏ. 17: Yamaha Fz ಬೈಕ್ಡ್ ಜವನೆ ಒರಿಯೆ ತುಳುಕೊಡಿ ತಿಕ್ಕಾವೊಂದು ಸೋಲೋ ರೈಡ್ ಪೋದು ಕಾಲಿ ರಡ್ಡೇ ರಡ್ಡ್ ದಿನೊಟು ಸುಮಾರ್ 1400 ಕಿ.ಮೀ ದೂರ ತಿರ್ಗ್ದ್ ತನ್ನ ತುಳು ಮೋಕೆ ತೋಜಾವುನೆತ ಒಟ್ಟುಗು, ತುಳುವೆರ್ ವಾ ಚಾಲೆಂಜ್ಗ್ಲಾ ಎಂಚಿನ ಸನ್ನಿವೇಶೊಗ್ಲಾ ರೆಡಿ ಇಪ್ಪುವೆರ್ ಪನ್ದ್ ತೋಜಾದ್ ಕೊರ್ತೆರ್.
ಕುಡ್ಲದ ನಿಹಾಫ಼್ ಈ ಸಾದಗೊ ಬೆನ್ತಿನ ಜವನೆ. ಕುಡ್ಲರ್ದ್ ಸುರು ಮಲ್ತಿನ ಆರೆನ ಈ ಪಯನ, ಕುಡ್ಲರ್ದ್ ಶಿವಮೊಗ್ಗ, ಅಲ್ಪರ್ದ್ ಹಂಪಿ, ಬಳ್ಳಾರಿ, ಆಂಧ್ರದ ಅನಂತಪುರ, ಪೇನುಕೊಂಡ ಆದ್ ಬೆಂಗಳೂರ್ಗ್ ಬತ್ತ್ದ್, ಅಲ್ಪರ್ದ್ ಹಾಸನ ಆದ್ ಕುಡ ಕುಡ್ಲಗ್ ಬೈದೆರ್, ಅವುಲಾ ಕಾಲಿ ರಡ್ಡ್ ದಿನೊತುಲಯಿ.
ಈ ಪಯನ ಆತ್ ಸುಲಭದವು ಅತ್ತ್, ಇಂದೆಕ್ ಎಂಚಿನ ಬತ್ತ್ಂಡಲಾ ಎದುರು ಉಂತುವೆ ಪನ್ಪಿ ತಂಕ ಬೋಡು, ಇಚ್ಛಾಶಕ್ತಿ ಬೋಡು. ಈ ಜರ್ನಿಡ್ ನಿಹಾಫ಼್ ಪಾಕ ಬಂಙೊಲೆನ್ ತೂತೆರ್. ರಾತ್ರೆಡ್ ಬೈಕ್ ಬುಡ್ಪುನ, ಬಡವುದ ಪೊರ್ತುಡು ಸಮಗಟ್ಟ್ ತೆನಸ್/ಹೋಟೆಲ್ ತಿಕ್ಕಂದೆ ಇಪ್ಪುನ, ಜನದಾಂತಿನ ಜಾಗೆಲು, ಸಮ ಬೊಲ್ಪುದಾಂತಿನ ಸಾದಿಲು ಇಂಚ ಪಾಕ ಚಾಲೆಂಜ್ಲೆಗ್ ತಿಗಲೆ ಕೊರ್ತೆರ್. ಒಂಜಿ ಕಡೆಟ್ ಆರೆನ ಬೈಕ್ದ ಸ್ಯಾಡಲ್ ಸ್ಟ್ಯಾಡ್ ಪೊಲಿದ್ ಬೊಕ್ಕ ಅವೆನ್ ಬಲ್ಲ್ಡ್ ಕಟೊಂದು ತನ್ನ ಪಯನೊನು ಪತ್ತ ಮಲ್ತ್ದೆರ್.
ಪರತ್ 2012 ಮಾಡೆಲ್ದ ಯಮಾಹಾ ಎಫ್ಜೀ ಬೈಕ್ನ್ ತಾನೇ ಅಡ್ವೆಂಚರ್ ಮೋಡಿಫಿಕೇಷನ್ ಮಲ್ತ್ದ್ ನಿಹಾಫ಼್ ಈ ಸಾದಗೊ ಬೆನ್ತೆರ್.
