Last updated on May 10th, 2026 at 10:11 am
ಬೆದ್ರ, ಮೇ 10: ಡ್ರೈವರ್ನ ಅಂಕೆ ತತ್ತ್ದ್ ಪ್ರೈವೇಟ್ ಬಸ್ ಕಬ್ಬೆ ಬೂರ್ದಿನ ನಡಕೆ ಬನ್ನಡ್ಕದ ಕೈತಲ್ ಕೋಡೆ, ಶನಿವಾರ ಬಯ್ಯಡ್ ನಡತ್ದ್ಂಡ್.
ಕಾರ್ಲರ್ದ್ ಕುಡ್ಲಗ್ ಪೋವೊಂದಿತ್ತಿನ ಪ್ರೈವೇಟ್ ಬಸ್ ಉಂದಾದಿತ್ತ್ದ್, ಸಾದಿ ಬರಿಕ್ ಪಲ್ಟಿಯಾತ್ಂಡ್. ಬಸ್ಡ್ ಇತ್ತಿನಕಲೆಗ್ ಕಿಞ್ಞ ಕಿಞ್ಞ ಗಡಿಕುಲಾದಿತ್ತ್ದ್, ಅಕಲೆನ್ ಆಸ್ಪತ್ರೆಗ್ ದಾಕಲ್ತ್ದ್, ಮರ್ದ್ ಮಲ್ತೊಂದುಲ್ಲೆರ್. ಪಲ್ಟಿ ಆತಿನ ಬಸ್ ಬರಿಟೆ ಇತ್ತಿನ ಟೂವೀಲರ್ ಗಾಡಿಗ್ಲಾ ಎಡ್ತ್ದ್ಂಡ್. ಎಡ್ತೆಡ್ ಜಿತೇಶ್ ಪನ್ಪಿನಾರೆಗ್ ಗಾತಿದ ಗಡಿಕುಲಾತ. ಬೊಕಲಾ ಒಂತೆ ಜನಕ್ ಕಿಞ್ಞ ಕಿಞ್ಞ ಗಡಿಕುಲಾತ. ಪೆರ್ಸಾದಿದ ಅವೈಜ್ಞಾನಿಕ ಬೇಲೆ ಬೊಕ್ಕ ಸಮಗಟ್ಟ್ ಸೂಚನಾ ಪಲವೆಲೆನ್ ಪಾಡಂದಿನ ಈ ಪ್ರದೇಶೊಡು ಎಡ್ತೆಲು ಎಚ್ಚ ಆಯೆರ ನೆವನ ಪನ್ದ್ ಮುಲ್ಪದಕುಲು ಆರೋಪ ಮಲ್ತ್ದೆರ್. ಬೆದ್ರ ಪೊಲೀಸೆರ್ ಜಾಗೆಗ್ ಬತ್ತ್ದ್ ಪರಿಶೀಲನೆ ಮಲ್ತ್ದೆರ್.