Last updated on May 10th, 2026 at 02:34 pm
ಬೆದ್ರ, ಮೇ 10: ಕಾರ್ಲ-ಕುಡ್ಲ ರಾಷ್ಟ್ರೀಯ ಪೆರ್ಸಾದಿದ ಬನ್ನಡ್ಕಡ್ ಶುಕ್ರವಾರ ನಡತಿನ ಭೀಕರ ಎಡ್ತೆಡ್ ಪ್ರೈವೇಟ್ ಬಸ್ ಪಲ್ಟಿಯಾದ್ ಸ್ಕೂಟರ್ಗ್ ಎಡ್ತಿನೆರ್ದಾವರ, ಸ್ಕೂಟರ್ಡ್ ಪಿರವು ಕುಲ್ಲುದಿತ್ತಿನ ಪೊಂಜೊವು ತೀರ್ದೆರ್.
ಮೂಡುಮಾರ್ನಾಡ್ ಗ್ರಾಮೊದ ನಿವಾಸಿ ಗೀತಾ (54) ತೀರ್ದಿನಾರ್. ಕಾರ್ಲರ್ದ್ ಕುಡ್ಲದಂಚಿ ಬೀಸ ಪೋವೊಂದಿತ್ತಿನ ಪ್ರೈವೇಟ್ ಬಸ್, ಬನ್ನಡ್ಕದ ಸೋನ್ಸ್ ಫಾರ್ಮ್ದ ಎದುರು ಡ್ರೈವರ್ನ ಅಂಕೆ ತತ್ತ್ದ್ ಕಬ್ಬೆ ಬೂರ್ದ್ಂಡ್. ಈ ಪೊರ್ತುಡು ಬಸ್ ಸಾದಿ ಬರಿಟ್ ಪೋವೊಂದಿತ್ತಿನ ಸ್ಕೂಟರ್ಗ್ ಎಡ್ತ್ದ್ಂಡ್.
ನಡಕೆಡ್ ಸ್ಕೂಟರ್ಡ್ ಇತ್ತಿನ ಗೀತಾ ಮೆರೃನ ತರೆ ಬೊಕ್ಕ ಕಾರ್ಗ್ ಗಾತಿದ ಗಡಿಕುಲಾದಿತ್ತ್ದ್, ಅಪಗನೇ ಆರೆನ್ ಬೆದ್ರದ ಪ್ರೈವೇಟ್ ಆಸ್ಪತ್ರೆಗ್ ದಾಕಲ್ತ್ಂಡಲಾ, ಮರ್ದ್ ಪಲಿಪಂದೆ ತೀರ್ದೆರ್. ಗೀತಾ ಮೇರ್ ಮುಂಬೈಡ್ ಇತ್ತ್ದ್, ಇಂಚಿಪ ಆತೇ ರಜೆಟ್ ಊರ್ಗ್ ಬತ್ತಿತ್ತೆರ್ಗೆ. ಸ್ಕೂಟರ್ ಬುಡೊಂದಿತ್ತಿನಾರೆಗ್ಲಾ ಗಾತಿದ ಗಡಿಕುಲಾದಿತ್ತ್ದ್ ಆಸ್ಪತ್ರೆಡ್ ಮರ್ದ್ ನಡತೊಂದುಂಡು. ಬಸ್ಡ್ ಇತ್ತಿನ ಸುಮಾರ್ 16 ಪ್ರಯಾಣಿಕೆರೆಗ್ ಕಿಞ್ಞ ಕಿಞ್ಞ ಗಡಿಕುಲಾತ. ಎಡ್ತೆರ್ದಾವರ ರಾಷ್ಟ್ರೀಯ ಪೆರ್ಸಾದಿಡ್ ಒಂತೆ ಪೊರ್ತು ಟ್ರಾಫಿಕ್ ಜಾಮ್ ಉಂಡಾದಿತ್ತ್ಂಡ್.