Last updated on May 10th, 2026 at 03:59 pm
ನೆಲ್ಯಾಡಿ, ಮೇ. 10: ಬೈಕ್ ಬೊಕ್ಕ ಕಾರ್ ಎಡ್ತೊಂದು ಬೈಕ್ ಬುಡೊಂದಿತ್ತಿನಾರ್ ಅಲ್ಪನೇ ತೀರ್ದಿನ ನಡಕೆ ಕುಡ್ಲ-ಬೆಂಗಳೂರ್ ರಾಷ್ಟ್ರೀಯ ಪೆರ್ಸಾದಿ 75ತ ಗೋಳಿತ್ತೊಟ್ಟು ಜಂಕ್ಷನ್ಡ್ ಇನಿ ಮೇ.10 ತಾನಿ ಮದ್ಯಾನ ನಡತ್ದ್ಂಡ್.
ಕೊಕ್ಕಡರ್ದ್ ಉಬಾರ್ದಂಚಿ ಬರೊಂದಿತ್ತಿನ ಬೈಕ್ ಬೊಕ್ಕ ಉಬಾರ್ರ್ದ್ ನೆಲ್ಯಾಡಿ ದಂಚಿ ಪವೊಂದಿತ್ತಿನ ಸಿಫ್ಟ್ ಕಾರ್ದ ನಡುಟು ಗೋಳಿತ್ತೊಟ್ಟು ಜಂಕ್ಷನ್ಡ್ ಎಡ್ತೆ ನಡತ್ದ್ಂಡ್.
ತೀರ್ದಿನಾರೆನ್ ಅರಸಿನಮಕ್ಕಿ ಹತ್ಯಡ್ಕ ಪ್ರಾಥಮಿಕ ಕೃಷಿ ಪತ್ತ್ದ ಸಹಕಾರ ಸಂಘೊದ ಸರಫಾ ಸದಾನಂದ ಆಚಾರ್ (55) ಪನ್ದ್ ಗುರ್ತ ಪತ್ತ್ದೆರ್. ಎಡ್ಪುನಗ ಬೈಕ್ಡ್ ಪಿರವು ಕುಲ್ಲುದಿತ್ತಿನ ಆರೆನ ಬೊಡೆದಿ ಉಷಾ ಆಚಾರ್ಯ ಮೆರೆಗ್ ಗಾತಿದ ಗಡಿಕುಲಾದಿತ್ತ್ದ್ ಆರೆನ್ ಅಪಗನೇ ಆಸ್ಪತ್ರೆಗ್ ದಾಕಲ್ತ್ದ್ ಎಚ್ಚಿಗೆ ಮರ್ದ್ಗ್ ಕುಡ್ಲದ ಆಸ್ಪತ್ರೆಗ್ ಲೆತೊಂದು ಪೋತೆರ್.
ಎಡ್ತೆ ನಡತಿನೇ ಕೈತಲ್ದಕುಲು ಪೆಟ್ಟಾತಿನಕಲೆಗ್ ಸಕಾಯ ಮಲ್ಪೆರ ಬತ್ತ್ದೆರ್, ಟ್ರಾಫಿಕ್ ಪೊಲೀಸೆರ್ ಜಾಗೆಗ್ ಬತ್ತ್ದ್ ಪರಿಶೀಲನೆ ಮಲ್ತಿತ್ತ್ದ್ ಪ್ರಕರಣ ದಾಕಲ್ತೊಂದೆರ್.