Last updated on May 9th, 2026 at 02:49 pm
ಉಬಾರ್, ಮೇ. 09: ಸಾದಿದ ಬೇಲೆ ಆವೊಂದುಪ್ಪುನ ಪೊರ್ತುಡು ರೋಡ್ ರೋಲರ್ದ ಅಡಿಕ್ ತಿಕ್ಕ್ದ್ ಆಂಜೊವು ಒರಿ ದಾರುಣವಾದ್ ತೀರ್ದಿನ ನಡಕೆ ಉಬಾರ್ಡ್ ಇನಿ ಮೇ 9 ದಾನಿ ಗಾಂಧಿಪಾರ್ಕ್ದ ಕೈತಲ್ ನಡತ್ದ್ಂಡ್.
ಉಬಾರ್ಡ್ ಕುಡ್ಲ-ಬೆಂಗಳೂರ್ ಚತುಷ್ಪಥ ರಾಷ್ಟ್ರೀಯ ಪೆರ್ಸಾದಿದ ಬೇಲೆ ನಡತೊಂದಿತ್ತ್ದ್, ಮುಲ್ಪ ಸರ್ವೀಸ್ ರೋಡ್ದ ಬೇಲೆ ಆವೊಂದಿತ್ತಿನಲ್ಪ ಆಂಜೊವು ಒರಿ ಸಾದಿ ಬರಿಟ್ ಜೆತ್ತಿತ್ತೆಗೆ. ಆಯನ ಮೇಲ್ಡೆನೇ ರೋಡ್ ರೋಲರ್ ಪೋದಿತ್ತ್ದ್, ಆಯೆ ಅಲ್ಪನೇ ದಾರುಣವಾದ್ ತೀರ್ದೆ. ರೋಲರ್ ಮಿತ್ತ್ಡೆನೇ ಪೋತಿನೆರ್ದಾವರ ಆಯನ ಸರ್ರ ಇಡೀ ಞಕ್ಕೆ ಆತ್ಂಡ್. ಆಯೆ ಉತ್ತರ ಭಾರತ ಮೂಲೊದ ಕಾರ್ಮಿಕೆ ಪನ್ದ್ ಪನೊಂದಿತ್ತ್ದ್, ಎಚ್ಚಿಗೆ ಒಲವು ನನ ತೆರಿದ್ ಬರೊಡಾತೆ.
