Last updated on May 9th, 2026 at 01:30 pm
ಕುಡ್ಲ, ಮೇ 09: ಕುತ್ತಾರ್ಡ್ ನಿಟ್ಟೆ ಪರಿಗಣಿತ ವಿವಿ ಕಟ್ಟಾಯೆರ ಪಿದಡ್ದಿನ ಸರ್ಕಲ್ಗ್ ಕೊರಗಜ್ಜನ ಪುದರ್ ದೀಪುನೆಕ್ ಕೆಲವೆರ್ ಸ್ಪೀಕರ್ ಖಾದರ್ರೆನ ಎದುರು ವಿರೋಧ ತೂಪಾದಿನ ವಿಡಿಯೋ ಸಾಮಾಜಿಕ ಬಲೆತ್ತಾನೊಡು ವೈರಲ್ ಆದಿತ್ತ್ದ್, ಈ ವಿಚಾರೊಡು ಸ್ಪೀಕರ್ ಖಾದರ್ ಸ್ಪಷ್ಟನೆ ಕೊರ್ತೆರ್.
ಕುಡ್ಲಡ್ ಪಾತೆರ್ನ ಆರ್, ಸಾಮಾಜಿಕ ಬಲೆತ್ತಾನೊಡು ಕೊರಗಜ್ಜ ಸರ್ಕಲ್ದ ಬಗೆಟ್ ತೋಜಿದ್ ಬರೊಂದುಪ್ಪುನ ನಕಾರಾತ್ಮಕ ಪಾತೆರೊಲೆಗ್ ಎಚ್ಚ ಮಹತ್ವ ಕೊರ್ಪುನ ಅಗತ್ಯ ಇಜ್ಜಿ ಪನ್ದ್ ತೆರಿಪಾದೆರ್. ಊರ್ದ ಜನೊಕುಲು ಒತ್ತಟ್ಟ್ಡ್ ಇತ್ತ್ದ್, ಕೆಲವೇ ಕೆಲವು ಜನೊಕ್ಲೆನ ಪಾತೆರ ಸೌಹಾರ್ದೊಗು ತೆಟ್ಟ್ ಮಲ್ಪೆರ ಸಾಧ್ಯ ಇಜ್ಜಿ ಪನ್ದ್ ಆರ್ ಪನ್ಡೆರ್.
ಸಾಮಾಜಿಕ ಬಲೆತ್ತಾನೊಡು ಬರ್ಪಿನ ಪ್ರತಿಯೊಂಜಿ ವಿಚಾರೊಗ್ಲಾ ಸದು ಕೊರೊಂದು ಕುಲ್ಲೆರೆ ಆಪುಜಿ. ಒಂಜಿ ರಡ್ಡ್ ಜನೊತ ವೈಯಕ್ತಿಕ ಪಾತೆರೊಲೆನ ಬಗೆಟ್ ಚರ್ಚೆ ಮಲ್ಪುನ ಅಗತ್ಯನೇ ಇಜ್ಜಿ ಪನ್ದ್ ಪನ್ಡೆರ್.