Last updated on May 22nd, 2026 at 09:46 am
ಪುತ್ತೂರ್, ಮೇ. 22: ಕುಮಾರಧಾರಾ ಸುದೆಟ್ ಮೀಂದ್ಯೆರ ಪೋದಿತ್ತಿನ ಕಾಲೇಜ್ ವಿದ್ಯಾರ್ಥಿ ಒರಿ ನೀರ್ಡ್ ಮುರ್ಕ್ದ್ ತೀರ್ದಿನ ನಡಕೆ ಪುತ್ತೂರ್ದ ಬೆಳ್ಳಿಪಾಡಿ ಗ್ರಾಮೊದ ಕಠಾರದ ಕೈತಲ್ ಕೋಡೆ ನಡತ್ದ್ಂಡ್. ತೀರ್ದಿನಾರೆನ್ ಗದಗ ಮೂಲೊದ ಕಿರಣ್ ಪನ್ದ್ ಗುರ್ತ ಪತ್ತ್ದೆರ್.
ಮೇರ್ ಪುತ್ತೂರ್ದ ವಿದ್ಯಾಸಂಸ್ಥೆ ಒಂಜೆಟ್ ಫಾರ್ಮಸಿ ಕಲ್ತೊಂದಿತ್ತೆರ್ ಪನ್ದ್ ತೆರಿದ್ ಬೈದ್ಂಡ್. ನಾಲ್ವೆರ್ ಜವನೆರ್ ಮೀಂದ್ಯೆರ ಸುದೆಕ್ ಪೋದಿತ್ತೆರ್. ಈ ಪೊರ್ತುಡು ಕಿರಣ್ ಮೇರ್ ನೀರ್ದ ಒಯಿಲ್ಗ್ ತಿಕ್ಕ್ದ್ ಮುರ್ಕುದೆರ್ಗೆ. ಪೊಲೀಸೆರ್ ಬತ್ತ್ದ್ ಪರಿಶೀಲನೆ ಮಲ್ತ್ದೆರ್.