Last updated on May 22nd, 2026 at 11:47 am
ಪುತ್ತೂರ್: ಬೆಳ್ಳಾರೆ ವಾಸುದೇವ ರೈ ಬೊಕ್ಕ ಶರ್ಮಿಳಾ ವಿ. ರೈ ದಂಪತಿಲೆನ ಮಗೆ, ಸವಣೂರು ಅಂಬಾ ಬ್ರದರ್ಸ್ ಕೂಟೊದ ಸಕ್ರೀಯ ಪದುಕೆರಾದಿತ್ತಿನ ಬೆಂಗಳೂರ್ಡ್ ಸಾಫ್ಟ್ ವೇರ್ ಬೇಲೆಡ್ ಇತ್ತಿನ ಸೂರಜ್ ರೈ (27 ವ) ಆ್ಯಕ್ಸಿಡೆಂಟ್ಡ್ ಗಡಿಕುಲಾದ್ ಇನಿ ಮೇ.22ತ ಕಾಂಡೆ ಬಿಜಿಎಸ್ ಆಸ್ಪತ್ರೆಡ್ ತೀರ್ದೆರ್ ಪನ್ದ್ ತೆರಿದ್ ಬೈದ್ಂಡ್.
ಮೇ.15ತಾನಿ ರಾತ್ರೆ ಬೆಂಗಳೂರಗ್ ತನ್ನ ಬೈಕ್ಡ್ ಪೋವೊಂದುಪ್ಪುನಗ ಕುಣಿಗಲ್ದ ಕೈತಲ್ ಕೋರಿದ ಲಾರಿಗ್ ಎಡ್ತ್ದ್ ತರೆಕ್ ಗಾತಿದ ಗಡಿಕುಲಾದ್ ಕುಣಿಗಲ್ ಬಿಜಿಎಸ್ ಆಸ್ಪತ್ರೆಗ್ ದಾಕಲ್ತ್ದಿತ್ತೆರ್. ಮರ್ದ್ ಪಲಿಪಂದೆ ತೀರ್ದೆರ್ ಪನ್ದ್ ತೆರಿದ್ ಬೈದ್ಂಡ್. ಪಾರ್ಥಿವ ಶರೀರೊ ಮೇ.22 ತಾನಿ ಮದ್ಯಾಹ್ನ 2 ಗಂಟೆಗ್ ಬೆಳ್ಳಾರೆಗ್ ಎತ್ತುಂಡು. ಬೊಕ್ಕ ಪುತ್ತೂರು ಮಹಾಲಿಂಗೇಶ್ವರ ದೇಲಂತಡೆದ ಎದುರುದ ಮಸಣೊಡು ಅಂತ್ಯಕ್ರಿಯೆ ನಡಪುಂಡು ಪನ್ದ್ ಕುಟುಮೊದ ಮೂಲೊಲೆರ್ದ್ ತೆರಿದ್ ಬೈದ್ಂಡ್. ಮೇರ್ ಬೊಡೆದಿ ಸ್ನೇಹ, ಅಮ್ಮೆರ್ ಯಕ್ಷಗುರು ವಾಸುದೇವ ರೈ ವಿ, ಅಪ್ಪೆ ಶ್ರೀಮತಿ ಶರ್ಮಿಳಾ ರೈ, ಒಪ್ಪ ಪುಟ್ಟಿನ ಸುದೀಪ್ ರೈ ಅಂಚೆನೇ ಪಾಕ ಬಂಧುಲು ದೋಸ್ತಿಯರ್ಲೆನ್ ಅಗತ್ದೆರ್.