ಬಂಟ್ವಾಳ : ಬೇಲೆಡ್ ಇಪ್ಪುನಗನೇ ಹಾರ್ಟ್ ಅಟ್ಯಾಕ್‌‌ ಆದ್ ತೀರಿನ ಮೆಸ್ಕಾಂ ಉದ್ಯೋಗಿ

Last updated on June 11th, 2026 at 06:53 pm

ಬಂಟ್ವಾಳ, ಜೂ. 11: ಬೇಲೆಡ್ ಇಪ್ಪುನಗನೇ ಮೆಸ್ಕಾಂ ಬೇಲೆದಾರ್ ಒರಿ ಹಾರ್ಟ್ ಅಟ್ಯಾಕ್‌‌ ಆದ್ ತೀರ್ದಿನ ನಡಕೆ ಬಂಟ್ವಾಳ ತಾಲೂಕ್‌ದ ಪಾಣೇರ್‌ದ ಕೈತಲ್ ಶಂಭೂರು ಪನ್ಪಿನಲ್ಪ ನಡತ್‌ದ್ಂಡ್. ಮೂಲತಃ ಮಿತ್ತೂರ್ ನಿವಾಸಿ ಚಂದ್ರಶೇಖರ ನಾಯ್ಕೆರ್ ( 55) ತೀರ್ದಿನ ಆಂಜೊವು.

ಆರ್ ಮೆಸ್ಕಾಂ ಪಾಣೇರ್ ಶಾಖೆಡ್ ಸಕಾಯಕ ಮೆಕಾನಿಕ್ ಬೇಲೆ ಮಲ್ತೊಂದಿತ್ತೆರ್. ಬುಧವಾರ ಮಧ್ಯಾಹ್ನದ ಪೊರ್ತುಡು ಶಂಭೂರುದ ಕೈತಲ್ದ ಕುಂದಾಯಗೋಳಿ ಪನ್ಪಿನಲ್ಪ ಕರೆಂಟ್ ಕುಂದ ಒಂಜಿ ಪೊಲಿದ್ ಬೂರ್ದ್ ಕರೆಂಟ್ ಪೋದಿತ್ತ್ಂಡ್, ಅಂಚ ಕುಂದ ಉಂತಾದ್ ಕರೆಂಟ್ ವಯರ್ ಒಯ್ತ್‌ದ್ ಕನೆಕ್ಷನ್ ಕೊರ್ದಿತ್ತೆರ್.

ಅವೆರ್ದ್ ಬೊಕ್ಕ ಕುಡೊಂಜಿ ಕಡೆರ್ದ್ ಇಲಾಖೆಗ್ ಸಂಬಂಧಿತಿನ ತಲೆಪುಗು ಲೆಪ್ಪು ಬತ್ತಿನೆರ್ದಾವರ ಇಲಾಖೆದ ಸಿಬ್ಬಂದಿನ ಒಟ್ಟುಗು ಬೈಕ್‌ಡ್ ಪೋವೊಂದುಪ್ಪುನಗ ಕುಂದಾಯಗೋಳಿ ಡ್ ತಿರ್ತ್ ಬೂರ್ದೆರ್. ಅಪಗನೇ ಆರೆನ್ ಬಿ.ಸಿ.ರೋಡ್‌ದ ಪ್ರೈವೇಟ್ ಆಸ್ಪತ್ರೆಗ್ ಲೆತೊಂದು ಪೋತೆರ್. ಆಸ್ಪತ್ರೆಡ್ ಡಾಕ್ಟರ್ ಪರೀಕ್ಷೆ ಮಲ್ತ್‌ದ್ ಆರ್ ಹಾರ್ಟ್ ಅಟ್ಯಾಕ್‌‌ ಆದ್ ತೀರ್ದಿನ ಬಗೆಟ್ ತೆರಿಪಾದೆರ್ ಪನ್ದ್ ವರದಿ ಆತ್ಂಡ್.