Last updated on August 2nd, 2026 at 08:26 am
ಕುಡ್ಲ, ಆ. 02: ಪಿಲಿಕುಳ ಅಭಿವೃದ್ಧಿ ಪ್ರಾಧಿಕಾರೊದ ಆಯುಕ್ತೆರಾದ್ ಡಾ. ಅರುಣ್ ಕುಮಾರ್ ಶೆಟ್ಟಿ ಎನ್. ಮೆರೆನ್ ಕುಡೊರ ಎಚ್ಚಿಗೆದ ಪ್ರಭಾರೊಡು ಪುನರ್ನಿಯುಕ್ತಿ ಮಲ್ತ್ದ್ ಜಿಲ್ಲಾಧಿಕಾರಿಲು ಆದೇಶ ಕೊರ್ತೆರ್.
ಇತ್ತೆ ಮಂಗಳೂರು ಜಿಲ್ಲಾ ಪಶುಪಾಲನಾ ಬೊಕ್ಕ ಪಶುವೈದ್ಯಕೀಯ ಸೇವಾ ಇಲಾಖೆದ ಉಪನಿರ್ದೇಶಕೆರಾದ್ ಬೇಲೆ ಮಲ್ತೊಂದುಪ್ಪುನ ಡಾ. ಅರುಣ್ ಕುಮಾರ್ ಶೆಟ್ರ್ ಇಂದೆಕ್ ದುಂಬುಲಾ ಸುಮಾರ್ ಒಂಜರೆ ವರ್ಸ ಪಿಲಿಕುಳ ಅಭಿವೃದ್ಧಿ ಪ್ರಾಧಿಕಾರೊದ ಆಯುಕ್ತೆರಾದ್ ಎಚ್ಚಿಗೆದ ಪ್ರಭಾರ ಸೇವೆ ಮಲ್ತ್ದೆರ್.
ಕರಿನ ಜೂನ್ 2026ಟ್ ರಾಜ್ಯ ಸರ್ಕಾರ ರಾಜ್ಯ ಲೆಕ್ಕ ಪರಿಶೋಧನೆ ಬೊಕ್ಕ ಲೆಕ್ಕಪತ್ರ ಇಲಾಖೆದ ಜಂಟಿ ನಿರ್ದೇಶಕೆರಾದಿತ್ತಿನ ಶ್ರೀಕಾಂತ್ ರಾವ್ ಮೆರೆನ್ ಪಿಲಿಕುಳ ಅಭಿವೃದ್ಧಿ ಪ್ರಾಧಿಕಾರೊದ ಆಯುಕ್ತೆರಾದ್ ನೇಮಕ ಮಲ್ತಿತ್ತ್ಂಡ್. ಆಂಡ ಆರ್ ಜುಲೈಡ್ ನಿವೃತ್ತೆರಾಯಿನೆರ್ದಾವರ, ಹುದ್ದೆ ಕಾಲಿ ಇತ್ತ್ದ್, ಅನುಭವೊನು ಪರಿಗಣಿತ್ದ್ ಡಾ. ಅರುಣ್ ಕುಮಾರ್ ಶೆಟ್ಟಿ ಮೆರೆನ್ ಕುಡೊರ ಎಚ್ಚಿಗೆದ ಪ್ರಭಾರೊಡು ಆಯುಕ್ತೆರಾದ್ ನೇಮಕ ಮಲ್ತ್ದೆರ್. ಡಾ. ಅರುಣ್ ಕುಮಾರ್ ಶೆಟ್ಟಿ ಮೆರೆನ ಪುನರ್ನಿಯುಕ್ತಿರ್ದ್ ಪಿಲಿಕುಳ ಅಭಿವೃದ್ಧಿ ಪ್ರಾಧಿಕಾರೊದ ಆಡಳಿತ ಬೊಕ್ಕ ಬೇತೆ ಬೇತೆ ಅಭಿವೃದ್ಧಿ ಯೋಜನೆಲೆಗ್ ನನಲಾತ್ ಬರಸ್ ತಿಕ್ಕುನ ಅಂದಾಜಿ ಉಂಡು.