Last updated on August 6th, 2026 at 01:20 pm
ತೊರತ್ತಲ್, ಆ. 6: ದೋಸ್ತಿಲೆಡೊಪ್ಪ ವಾಲಿಬಾಲ್ ಗೊಬ್ಬೊಂದಿತ್ತಿನ 15 ವರ್ಸ ಪ್ರಾಯೊದ ಆಣ್ ಗೊಬ್ಬುದ ಕಲೊಟೇ ಒರರ್ದ್ ಒರಾನೆ ಕುಸ್ಕ್ದ್ ಬೂರ್ದು, ಮರ್ದ್ ಪಲಿಪಂದೆ ತೀರ್ದಿನ ನಡಪು ತೊರತ್ತಲ್ಗ್ ಕೈತಲ್ದ ಸೂರಿಂಜೆಡ್ ಅಗಸ್ಟ್ 5ತ ಬುಧವಾರ ಬಯ್ಯಡ್ ನಡತ್ದ್ಂಡ್.
ತೀರ್ದಿನ ಆಣನ್ ಮಾಧವ ಅಮೀನ್ ಪನ್ಪಿನಾರೆನ ಮಗೆ ಲಿಖಿತ್ ಅಮೀನ್ (15) ಪನ್ದ್ ಗುರ್ತ ಪತ್ತ್ದೆರ್. ಆಯೆ ಸೂರಿಂಜೆದ ಕೋಟೆ ಬೋಳ್ಳಾರ್ ಸರ್ಕಾರಿ ಪ್ರೌಢಶಾಲೆ ಡ್ 10ನೇ ಕ್ಲಾಸ್ ಕಲ್ತೊಂದಿತ್ತೆ.
ಬುಧವಾರ ಬಯ್ಯಡ್ ಸೂರಿಂಜೆ ಮೈದಾನೊಡು ಲಿಖಿತ್ ಅಮೀನ್ ತನ್ನ ದೋಸ್ತಿಲೆನ ಒಟ್ಟುಗು ವಾಲಿಬಾಲ್ ಗೊಬ್ಬೊಂದುಪ್ಪುನಗ ಒರರ್ದ್ ಒರಾನೆ ಉಸಾರ್ ತತ್ತ್ದ್ ಅಲ್ಪನೇ ಕುಸ್ಕ್ದ್ ಬೂರ್ದೆ. ಅಪಗನೇ ಆಯನ್ ಮರ್ದ್ಗ್ ಕೈತಲ್ದ ಆಸ್ಪತ್ರೆಗ್ ಲೆತೊಂದು ಪೋಂಡಲಾ, ಪರೀಕ್ಷೆ ಮಲ್ತಿನ ಡಾಕ್ಟರ್ ಆಣ್ ತೀರ್ದೆ ಪನ್ದ್ ದೃಢ ಮಲ್ತ್ದೆರ್. ಗೊಬ್ಬೊಂದುಪ್ಪುನಗ ಆತಿನ ಗಾತಿದ ಹೃದಯಾಘಾತ ಅತ್ತ್ಂಡ ಅಸ್ವಸ್ಥತೆಡ್ ತೀರ್ದಿಪ್ಪೊಡು ಪನ್ದ್ ಅಂದಾಜಿ ಮಲ್ತ್ದೆರ್.