Last updated on September 21st, 2026 at 09:07 am
ಒಡಿಪು: ಮುಖ್ಯಮಂತ್ರಿ ಡಿಕೆ ಶಿವಕುಮಾರ್ ರೆನ ಮುತಾಲಿಕೆಡ್ ಕುಡ್ಲಡ್ ನಡತಿನ ರಾಜ್ಯ ಸಚಿವ ಸಂಪುಟ ಸಭೆಟ್ ತುಳುನಾಡ್ಗ್ ಐತಿಹಾಸಿಕ ಗೌರವ ತಿಕ್ಕ್ದಿತ್ತ್ದ್, ತುಳು ಭಾಷೆನ್ ಆಡಳಿತ ಭಾಷೆ ಆದ್ ಸರಕಾರ ಘೋಷಣೆ ಮಲ್ದಿನೆನ್ ಲಯನ್ಸ್ ಜಿಲ್ಲೆ 317C ದ ಪ್ರಥಮ ಉಪಗವರ್ನರ್ ಲಯನ್ ಹರಿಪ್ರಸಾದ್ ರೈ ಎದುಕೊಂದೆರ್ ಅಂಚೆನೇ ಸರಕಾರೊಗು ಸೊಲ್ಮೆ ಸಂದಾದೆರ್.
ಒಡಿಪು- ಮಂಗಳೂರ್ ಜಿಲ್ಲೆಲೆಡ್ ತುಳು ಪಾತೆರುನಕುಲೇ ಎಚ್ಚ ಇತ್ತ್ದ್, ಅಂತರಾಷ್ಟ್ರೀಯ ಸೇವಾ ಸಂಸ್ಥೆಯಾಯಿನ ಲಯನ್ಸ್ ಕ್ಲಬ್ಲೆನ ಸಭೆಕುಲು ತುಳುಟೇ ನಡತ್ಂಡ ನನಲಾ ಎಡ್ಡೆ ಪನ್ದ್ ಆಶಯ ತೋಜಾದೆರ್. ತುಳು ಪಾತೆರುನಕುಲೇ ಎಚ್ಚ ಇಪ್ಪುನ ಕ್ಲಬ್ಲೆನ ಸಭೆನ್ ತುಳುಟು ಮಲ್ಪುನತ್ತಂದೆ, ಲಯನ್ಸ್ ನೀತಿ ಸಂಹಿತೆ ಬೊಕ್ಕ ಧ್ವಜ ವಂದನೆನ್ ತುಳುಟು ಮಲ್ತ್ಂಡ ತುಳು ಭಾಷೆಗ್ ನನಲಾತ್ ತಾಂಗ್ ತಿಕ್ಕಂಡು ಪನ್ದ್ ಪನ್ಡೆರ್.
ತುಳುವೆರೆ ಪಾಕ ವರ್ಸೊದ ಕನೊನು ಮುಖ್ಯಮಂತ್ರಿ ಡಿಕೆ ಶಿವಕುಮಾರ್ ನಿಜ ಮಲ್ತಿತ್ತ್ದ್, ನಮ್ಮ ಸಭೆಕ್ಲೆನ್ ತುಳುಟು ಮಲ್ತ್ಂಡ, ತುಳುಕು ನನಲಾತ್ ಗೌರವ ಕೊರ್ಲೆಕ ಆಪುಂಡು. ಅಂಚಾದ್ ಕ್ಲಬ್ಲು ಈ ದಿಟ್ಟಿಡ್ ಗೇನ ಕೊರೊಡು ಪನ್ದ್ ಜಿಲ್ಲಾ ಪ್ರಥಮ ಉಪ ಗವರ್ನರ್ ಲಯನ್ ಹರಿಪ್ರಸಾದ್ ರೈ ಲಯನ್ಸ್ ಮುಖಂಡೆರೆಗ್ ಲೆಪ್ಪು ಕೊರ್ತೆರ್.