Last updated on September 22nd, 2026 at 04:04 pm
ಸೆ. 22: ಭಾರತ ಬೊಕ್ಕ ಜಪಾನ್ದ ನಡುಟು ನಡತಿನ ಒಂಜೇ ಒಂಜಿ ಟಿ20 ಗೊಬ್ಬುನು ಟೀಂ ಇಂಡಿಯಾ ಅಕೇರಿದ ಓವರ್ಡ್ ಗೆಂದ್ದ್ಂಡ್. ಬರ್ಸರ್ದಾವರ ಈ ಗೊಬ್ಬುನು ಐನ್ ಐನ್ ಓವರ್ಗ್ ಸೀಮಿತ ಮಲ್ತೆರ್. ಆ ಪ್ರಕಾರ ಸುರುಟು ಬ್ಯಾಟಿಂಗ್ ಮಲ್ತಿನ ಟೀಂ ಇಂಡಿಯಾ 4 ವಿಕೆಟ್ ಕಲೆಯೊಂದು 32 ರನ್ ಒಟ್ಟು ಮಲ್ತ್ಂಡ್. ಈ ಈಡ್ನ್ ಬೆರಿಪತ್ತಿನ ಜಪಾನ್ 30 ರನ್ ಮಾತ್ರ ಮಲ್ತ್ದ್ 2 ರನ್ಡ್ ಸೋತ್ಂಡ್.
ಜಪಾನ್ದ ಸಾನೋ ಅಂತರರಾಷ್ಟ್ರೀಯ ಕ್ರಿಕೆಟ್ ಮೈದಾನೊಡು ನಡತಿನ ಈ ಗೊಬ್ಬುನು ಗೆಂದ್ದ್ ಳ ಟೀಂ ಇಂಡಿಯಾ ಅಂತರರಾಷ್ಟ್ರೀಯ ಟಿ20 ಕ್ರಿಕೆಟ್ಡ್ 200ನೇ ಗೆಲ್ಮೆ ದಾಕಲ್ತಿನ ಐತಿಹಾಸಿಕ ಸಾದಗೊ ಬೆನ್ತ್ಂಡ್. ಇಂದೆತ ಒಟ್ಟುಗು ಟೀಂ ಇಂಡಿಯಾ ಈ ಸ್ವರೂಪೊಡು 200 ಗೆಲ್ಮೆ ದಾಕಲ್ತಿನ ಕಡೀರ ಕೂಟ ಪನ್ಪಿ ದಾಕಲೆನ್ಲಾ ಬರೆತ್ಂಡ್ (ಈ ಅಂಕಿ ಅಂಶ ಸೂಪರ್ ಓವರ್ಡ್ ಗೆಂದಿನೆನ್ಲಾ ಲೆಕ್ಕ ಪಾಡ್ದ್ಂಡ್)