Last updated on October 1st, 2026 at 12:17 pm
ಟೆಲ್ ಅವಿವ್, ಅ. 01: ದುಬೈರ್ದ್ ಇಸ್ರೇಲ್‌ಗ್ ಪೋವೊಂದಿತ್ತಿನ ‘ಫ್ಲೈದುಬೈ’ (flydubai) ವಿಮಾನೊದ ಕಾಕ್‌ಪಿಟ್‌‌ಡ್ ನಡತಿನ ಲಡಯಿ ಬೊಕ್ಕ ವಿಮಾನೊಡಿತ್ತಿನಕಲೆನ ಜೂವೊಗು ತೆಟ್ಟ್ ಮಲ್ಪುನ ಪುನೆಪುನು ಭಾರತೀಯ ಪೈಲಟ್ ಕ್ಯಾಪ್ಟನ್ ಸ್ಮಿತ್ ಮಚ್ಛರ್ ಆರೆಗ್ ಗಾತಿದ ಗಡಿ ಆದ್, ನೆತ್ತೆರ್ ಪೋವೊಂದಿತ್ತ್ಂಡಲಾ ಸಾಹಸ ತೋಜಾದ್ ಉಂತಾದೆರ್. ಒತ್ತು-ಪೈಲಟ್‌ನ ದಾಳಿಗ್ ತಂಕೊಡು ತಿಗಲೆ ಕೊರ್ನ ಕ್ಯಾಪ್ಟನ್ ಮಚ್ಛರ್, ವಿಮಾನೊಡು ಇತ್ತಿನ 180 ಪ್ರಯಾಣಿಕೆರೆ ಜೂವ ಒರಿತ್‌ದ್ ನಿಜವಾಯಿನ ‘ಹೀರೋ’ ಆತೆರ್.
ದುಬೈ-ಟೆಲ್ ಅವಿವ್ ವಿಮಾನ ರಾವೊಂದುಪ್ಪುನಗ ಒತ್ತು-ಪೈಲಟ್ ವಿಮಾನೊದ ತಾಂತ್ರಿಕ ವ್ಯವಸ್ಥೆನ್ ತೆಟ್ಟಾಯೆರ ತೂತೆ. ಇಂದೆನ್ ತೂಯಿನ ವಿಮಾನೊದ ಮುಖ್ಯ ಕಮಾಂಡರ್, ಭಾರತೀಯ ಮೂಲೊದ ಕ್ಯಾಪ್ಟನ್ ಸ್ಮಿತ್ ಮಚ್ಛರ್ ಅಪಗನೇ ಆಯನ್ ತಡೆತ್‌ದ್ ಉಂತಾದೆರ್.
ಈ ಪೊರ್ತುಡು ಒತ್ತು-ಪೈಲಟ್ ಬೀಸತ್ತಿಡ್ ಹಲ್ಲೆ ಮಲ್ತಿತ್ತ್‌ದ್, ಕ್ಯಾಪ್ಟನ್ ಮಚ್ಛರ್‌ಗ್ ಗಾತಿದ ಗಡಿಕುಲಾತ. ಗಡಿಕುಲಾದ್ ಬೇನೆಡ್ ಇತ್ತ್ಂಡಲಾ, ಆರ್ ಒತ್ತು-ಪೈಲಟ್‌ನ್ ಅಂಕೆಡ್ ದೀತೆರ್. ಸುರುಟು ಈ ನಡಪು ‘ಹೈಜಾಕ್’ ಪನ್ಪಿ ಪೋಡಿಗೆ ಉಂಡುಮಲ್ತಿತ್ತ್ಂಡ್. ಬೊಕ್ಕ ವಿಮಾನೊಡು ಇತ್ತಿನ ಬೇತೆ ಪೈಲಟ್‌ನಕುಲು ಕಾಕ್‌ಪಿಟ್‌ನ್ ಅಂಕೆಗ್ ಗೆತೊಂದು ವಿಮಾನೊನು ಸೌದಿ ಅರೇಬಿಯಾಡ್ ಸುರಕ್ಷಿತವಾದ್ ಲ್ಯಾಂಡ್ ಮಲ್ತ್‌ದೆರ್. ವಿಮಾನ ಸುರಕ್ಷಿತವಾದ್ ಲ್ಯಾಂಡ್ ಆಯಿ ಬೊಕ್ಕ ಪ್ರಯಾಣಿಕೆರ್ ನೆತ್ತೆರ್‌ಡ್ ಚಂಡಿ ಆದಿತ್ತಿನ ಕ್ಯಾಪ್ಟನ್ ಮಚ್ಛರ್ ಮೆರೆನ್ ‘ಹೀರೋ’ ಪನ್ದ್ ಪುಗರ್ದ್ ಜಯಘೋಷ ಪಾಡ್ದೆರ್.
ಭಾರತೀಯ ಪ್ರಜೆ ಆದುಪ್ಪುನ ಕ್ಯಾಪ್ಟನ್ ಸ್ಮಿತ್ ಮಚ್ಛರ್, ಯುಎಇ ಸರ್ಕಾರೊದ ಅಡಿಟ್ ಇಪ್ಪುನ ಸಂಸ್ಥೆ ‘ಫ್ಲೈದುಬೈ’ ಡ್ ಕರಿನ ನಾಲ್ ವರ್ಸೊರ್ದಿಂಚಿ ಬೇಲೆ ಮಲ್ತೊಂದುಲ್ಲೆರ್.
ಆರೆನ ಲಿಂಕ್ಡ್‌ಇನ್ (LinkedIn) ಪ್ರೊಫೈಲ್ ಪ್ರಕಾರ: ಆರೆಗ್ ಬೋಯಿಂಗ್ 737 ವಿಮಾನೊಲೆನ ಕಾರ್ಯಾಚರಣೆಡ್ 13 ವರ್ಸರ್ದ್‌ಲಾ ಎಚ್ಚ ಕಾಲ ಕಮರ್ಷಿಯಲ್ ವಿಮಾನಯಾನ ಅನುಭವ ಉಂಡು.