Last updated on November 28th, 2024 at 07:08 pm
ಬೊಲ್ತೇರ್ ನವೆಂಬರ್ 28: ಬೊಲ್ತೇರ್ ಮಿತ್ತಬಾಕಿಲಲ್ ಸೆಕೆಂಡ್ ಪಿಯುಸಿ ಪೊಣ್ಣನ ಆತ್ಮಹತ್ಯೆ ಪ್ರಕರಣೊಗು ಟ್ವಿಸ್ಟ್ ತಿಕ್ಕ್‌ದಿತ್ತ್‌ದ್, ಜವನೆ ಒರ್ಯನ ಮಿತ್ತ್ ಇತ್ತೆ ಪೊಣ್ಣನ ಇಲ್ಲದಕುಲು ಪೊಲೀಸ್ ಸ್ಟೇಶನ್‌ಡ್ ಒಯಿಲ್ ಬರೆಪಾದೆರ್.
ಬೊಲ್ತೇರ್‌ಡ್ ಮೋಕೆ ಮಲ್ತಿನಾಯನ ದಗೆಕ್ ಬಲಿಯಾದ್ 17 ವರ್ಸೊದ ಪೊಣ್ಣೊರ್ತಿ ವಿಷ ಗೆತೊಂದು ಆತ್ಮಹತ್ಯೆ ಮಲ್ತೊಂದಲ್. ಬೊಲ್ತೇರ್ ತಾಲೂಕ್‌ದ ಮಿತ್ತಬಾಕಿಲ್ ಗ್ರಾಮೊಡು ನಡಕೆ ನಡತ್‌ದ್ಂಡ್. ನವೆಂಬರ್ 20 ದಾನಿ 17 ವರ್ಸೊದ ಹೃಷ್ಟಿ ಎಲಿ ಪಾಷಾಣ ತಿಂದ್‌ದ್ ಆತ್ಮಹತ್ಯೆಗ್ ಪುನೆಪು ಬತ್ತಿತ್ತಲ್. ಮರ್ದ್ ಪಲಿಪಂದೆ ಅಪ್ರಾಪ್ತ ಪೊಣ್ಣಕ ಹೃಷ್ವಿ ತೀರ್ದಿತ್ತಲ್. ಹೃಷ್ಟಿ ಬೊಕ್ಕ ಆಲೆನ ಸಂಬಂಧಿ ಜವನೆ ಪ್ರವೀಣ್ ಮೋಕೆ ಮಲ್ತೊಂದಿತ್ತೆರ್ ಪನ್ದ್ ಪನೊಂದಿತ್ತ್‌ದ್, ಮದಿಮೆ ಆಪೆ ಪನ್ದ್ ನಂಬಾದ್ ದಗೆ ಮಲ್ದಿನ ಆರೋಪ ಮಲ್ದೆರ್. ಪ್ರವೀಣ್‌ನ ಮಿತ್ತ್ ಹೃಷ್ವಿನ ಇಲ್ಲದಕುಲು ಬೊಲ್ತೇರ್ ಸ್ಟೇಶನ್‌ಡ್ ಎಫ್ಐಆರ್ ಪಾಡ್ಪಾದೆರ್. ಹೃಷ್ವಿ ಆತ್ಮಹತ್ಯೆ ಮಲ್ತೊಂಡಿ ಬೊಕ್ಕ ಆರೋಪಿ ಪ್ರವೀಣ್‌ನ ಪತ್ತೆ ಇಜ್ಜಿ. ಆರೋಪಿನ್ ಪತ್ತೆರೆ ಪೊಲೀಸೆರ್ ಬೇಪು ಪಾಡ್ದೆರ್.
ಸಂಬಂಧಿ ಪ್ರವೀಣ್ ಬೊಕ್ಕ ಹೃಷ್ಟಿ ಮೋಕೆ ಮಲ್ತೊಂದಿತ್ತೆರ್. ಮದಿಮೆ ಆಪೆ ಪನ್ದ್ ಪನೊಂದು ಆಲೆನೊಟ್ಟುಗು ಪ್ರವೀಣ್ ಎಡ್ಡೆಡ್ ಇತ್ತೆ. ಬೊಕ್ಕ ಮದಿಮೆ ಆಪುಜಿ ಪನ್ಡ್‌ದ್ ದಗೆ ಮಲ್ತ್‌ದೆ. ಉಂದೆರ್ದಾವರ ಆಲ್ ಜೂವ ದೆತ್ತೊಂದಲ್ ಪನ್ದ್ ಇಲ್ಲದಕುಲು ಆರೋಪ ಮಲ್ದೆರ್.