ಕುಡ್ಲ ಕಮಿಷನರೇಟ್ ಸೀಮೆಡ್ ಒಕ್ಕೆಲ್ ಕುಲ್ದಿತ್ತೆರ್ ಮೂವೆರ್ ಪಾಕಿಸ್ತಾನೊದ ಪ್ರಜೆಕುಲು

Last updated on April 26th, 2025 at 07:05 am

ಕುಡ್ಲ ಎಪ್ರಿಲ್ 25: ಕುಡ್ಲ ಕಮಿಷನರೇಟ್ ಸೀಮೆಡ್ ಮೂಜಿ ಜನ ಪಾಕಿಸ್ತಾನಿ ಪೊಂಜೊವುಲು ವಾಸ್ತವ್ಯ ಇಪ್ಪುನವು ಪೊಲೀಸ್ ಪರಿಶೀಲನೆಡ್ ತೆರಿದ್ ಬೈದ್ಂಡ್. ಆಂಡ ಮೊಕುಲು 12-13 ವರ್ಸೊಗು ದುಂಬೇ ಕುಡ್ಲಗ್ ಬತ್ತ್‌ದ್ ಒಕ್ಕೆಲ್ ಕುಲ್ಲುದು ಭಾರತೀಯ ಪ್ರಜೆಕುಲೆನ್ ಮದಿಮೆ ಆತೆರ್.

ಉಂದೆಟ್ ಒರ್ತಿ ಫಳ್ನೀರ್, ಕುಡೊರ್ತಿ ವಾಮಂಜೂರ್‌ಡ್ ಕುಲ್ಲುದೆರ್. ಕುಡೊರ್ತಿ ಪೊಂಜೊವು ಇಪ್ಪುನ ಜಾಗೆದ ಬಗೆಟ್ ಪತ್ತ ಒಲವು ತಿಕ್ಕ್‌ದಿಜಿ. ಈ ಬಗೆಟ್ ಇತ್ತೆನೇ ರಾಜ್ಯ ಸರಕಾರೊಗು ಒಲವು ಕೊರ್ತೆರ್. ಸರಕಾರೊದ ನಿರ್ದೇಶನ ಪ್ರಕಾರ ನನದ ಕ್ರಮ ಗೆತೊನುವ ಪನ್ದ್ ಪೊಲೀಸ್ ಆಯುಕ್ತೆರ್ ತೆರಿಪಾದೆರ್. ಜಿಲ್ಲಾ ಪೊಲೀಸ್ ಸೀಮೆಡ್ ಬೇತೆ ಪಾಕಿಸ್ತಾನಿ ನಾಗರಿಕೆರ್ ತಿಕ್ಕ್‌ದಿಜೆರ್ ಪನ್ದ್ ಎಸ್ಪಿ ತೆರಿಪಾದೆರ್. ನನ ಒಡಿಪು ಜಿಲ್ಲೆಡ್ ಒವ್ವೇ ಪಾಕಿಸ್ತಾನಿ ಪ್ರಜೆಕುಲು ತಿಕ್ಕ್‌ದಿಜೆರ್ ಪನ್ದ್ ಒಡಿಪು ಎಸ್ಪಿ ಒಲವು ಕೊರ್ತೆರ್.

ಪಹಲ್ಗಾಮ್‌ಡ್ ನಡತಿನ ಉಗ್ರ ದಾಳಿದ ಬೆರಿಟ್ ಕಾಪುದ ದಿಟ್ಟಿಡ್ ದೇಶೊಡೊರ್ಮೆ ಇತ್ತಿನ ಪಾಕಿಸ್ತಾನೊದ ಪ್ರಜೆಕುಲೆನ್ ನಾಡುನ ಬೇಲೆ ಆವೊಂದುಂಡು.