Last updated on July 11th, 2025 at 10:04 am
ಬಂಟ್ವಾಳ, ಜು. 11: ಒಂಜಿ ಪ್ರಕರಣೊದ ವಿಚಾರಣೆಡ್ ಕೋರ್ಟ್ದ ಎದುರು ಬರಂದೆ ದೆಂಗ್ತಪ್ಪಾದಿತ್ತಿನ ಆರೋಪಿ ಒರಿಯನ್ ಬಂಟ್ವಾಳ ನಗರ ಪೊಲೀಸೆರ್ ಜುಲೈ 10ತಾನಿ ಕೇರಳದ ಮಂಜೇಶ್ವರಡ್ ದಸ್ತಗಿರಿ ಮಲ್ತ್ದ್, ಕೋರ್ಟ್ದ ಎದುರು ಕನತ್ದೆರ್. ನ್ಯಾಯಂತಡೆ ಆಯಖ್ ನ್ಯಾಯಾಂಗ ಬಂಧನೊದ ಆದೇಶ ಕೊರ್ತುಂಡು.
ಬಂಟ್ವಾಳ ಮಂಚಿ ನಿವಾಸಿ ಹಿದಾಯತ್ ಅಲಿಯಾಸ್ ಅಬ್ದುಲ್ಲ ಕೈದಾತಿನ ಆರೋಪಿ.
ಬಂಟ್ವಾಳ ನಗರ ಪೊಲೀಸ್ ಠಾಣಾ ಅ.ಕ್ರ: 139/2007 ಕಲಂ: 366, 420, 120ಬಿ, 368 ಒಟ್ಟುಗು 149 ಐ.ಪಿ.ಸಿ ಪ್ರಕರಣೊದ ಆರೋಪಿ ಜಾಮೀನ್ಡ್ ಪಿದಯಿ ಬತ್ತ್ದ್ ಅವೆರ್ದ್ ಬೊಕ್ಕ ಮಾನ್ಯ ನ್ಯಾಯಂತಡೆದ ಆದೇಶೊನು ಪೊಲ್ತ್ದ್ ಕೋರ್ಟ್ ವಿಚಾರಣೆಗ್ ಬರಂದೆ 2023ತ ಡಿಸೆಂಬರ್ರ್ದ್ ದೆಂಗ್ತಪ್ಪಾದಿತ್ತೆ. ಅಂಚಾದ್ ಆರೋಪಿನ ಮಿತ್ತ್ ಬಂಟ್ವಾಳ ನಗರ ಸ್ಟೇಶನ್ಡ್ ಜುಲೈ 10ತಾನಿ ಅಕ್ರ: 74/2025 ಕಲಂ: 269 ಬಿ.ಎನ್.ಎಸ್ ದ ಪ್ರಕಾರ ಪ್ರಕರಣ ದಾಕಲಾದಿತ್ತ್ದ್, ನನದ ಕಾನೂನುಕ್ರಮ ಗೆತೊನುವೆರ್.