Last updated on July 13th, 2025 at 08:27 am
ಒಡಿಪು: ಪೇಂಟೆಗ್ ಪೋಗ್ಗುನ ದ್ವಾರ, ಕಿನ್ನಿಮುಲ್ಕಿ ಫ್ಲೈ ಓವರ್ಡ್ ನೇಮೊಲೆನ್ ಗೆನ್ಪಂದೆ, ತಾರಾಮರ ಗಾಡಿ ಬುಡೊಂದು ಪೋಪುನೆರ್ದಾವರ ನಿಚ್ಚೊಲಾ ಟ್ರಾಫಿಕ್ ಜಾಮ್ ಆವೊಂದುಂಡು. ರಾಂಗ್ ಸೈಡ್ಡೆ ಗಾಡಿಲೆನ್ ಪೊಗ್ಗಾವೂನ, ಬೋಡುಬೋಡಾಯಿಲೆಕ ಗಾಡಿಲೆನ್ ಬುಡೊಂದು ಪೋಪುನೆರ್ದಾವರ ಒರೊರ ಗಂಟೆಗಟ್ಲೆ ರೋಡ್ಡ್ ಉಂತೊಡಾದ್ ಬರ್ಪುಂಡು. ಉಂದೆತ ನಡುಟು ನಡತ್ಪೋಪುನಕ್ಲೆಗ್ಲಾ ಬಂಙ.
ಅಂಬಲ್ಪಾಡಿ ಬೈಪಾಸ್ಡ್ ಫ್ಲೈ ಓವರ್ದ ಬೇಲೆ ಆವೊಂದುಪ್ಪುನೆರ್ದಾವರ ಅಂಬಲ್ಪಾಡಿದಂಚಿ ಪೋಪುನ ಬಸ್, ಬೇತೆ ಗಾಡಿಲು ಕಿನ್ನಿಮಮಲ್ಕಿ ಫ್ಲೈ ಓವರ್ಡೆ ಆದ್ ಸರ್ವೀಸ್ ರೋಡ್ಡ್ ಪೋಪ. ಈ ಗಾಡಿಲೆನ ಒಟ್ಟುಗು ಕಡೆಕಾರ್ಗ್ ಪೋಪುನ ಬೊಕ್ಕ ಬಲಾಯಿಪಾದೆರ್ದ್ ಒಡಿಪುಗು ಬರ್ಪುನ ಬಸ್ಲೆನ ಒಟ್ಟುಗು ಮಾತಾ ಗಾಡಿಲುಲಾ ಫ್ಲೈ ಓವರ್ಡೆನೇ ಪೋಪುನೆರ್ದಾವರ ಗಾಡಿಲು ಎಚ್ಚ ಆದ್ ನಿಚ್ಚೊಲಾ ಟ್ರಾಫಿಕ್ ಜಾಮ್ ಆವೋಂದುಂಡು.
ಮುಲ್ಪ ಎಡ್ತೆಲೆನ್ ಅಂಕೆಡ್ ದೀಯೆಲ ಅಲ್ಪಲ್ಪ ಬ್ಯಾರಿಕೇಡ್ಲೆನ್ಲಾ ದೀತೆರ್. ಆಂಡ ಗಾಡಿಲೆನ ಬರಸ್ಗ್ ಎಚ್ಚಿನವು ತಿರ್ತ್ ಬೂರ್ದ. ಸಾದಿಡ್ ಅಡ್ಡ ಬೂರ್ದಿನ ಬ್ಯಾರಿಕೇಡ್ಲೇ ಗಾಡಿದಕ್ಲೆಗ್ ಐಟ್ ಲಾ ಬೈಕ್ ಸ್ಕೂಟರ್ದಕ್ಲೆಗ್ ಮಲ್ಲ ಪಡಾಯಿ ಆತ.
ಎಚ್ಚಿಗೆ ಟ್ರಾಫಿಕ್ ಪೋಲೀಸೆರೆನ್ ಪಾಡ್ದ್ ರಾಂಗ್ ಸೈಡ್ಡೆ ಪೊಗ್ಗುನಕ್ಲೆನ್ ಅಂಕೆಡ್ ದೀಂಡ, ಫ್ಲೈ ಓವರ್ಗ್ ತಾಗುನ ಸರ್ವಿಸ್ ರೋಡ್ಲೆಗ್ ದಿಡ್ಡ್ ಪಾಡ್ಂಡ ಈ ಸಮಸ್ಯೆಗ್ ಒಂತೆ ಪಿರಿಕಟ್ಟ್ ತಿಕ್ಕು.