Last updated on July 21st, 2025 at 04:42 pm
ಕುಡ್ಲ, ಜು 21: ಅಲಕ್ಕ ಅಂಡಮಾನ್ ಆದ್ ನೆಮ್ಮದಿಡ್ ಗಾಡಿಲು ಪೋಯೆರಲಾ ಆವೊಂದಿಜ್ಜಂದಿನ ಕೂಳೂರು ಸಂಕೊನು ರಿಪೇರಿ ಮಲ್ಪೆರೆ ಬೋಡಾದ್ ಇನಿ ಜುಲೈ 21ತ ರಾತ್ರೆ 8 ರ್ದ್ ಜುಲೈ 24 ತ ಕಾಂಡೆ 8 ಗಂಟೆ ಮುಟ್ಠ ಈ ಸಂಕೊಡು ಗಾಡಿಲೆನ ಸಂಚಾರ ಬಂದ್ ಮಲ್ಪೆರ ಎನ್ಎಚ್ಎಐ ಪಿದಡ್ದ್ಂಡ್.
ಒಂತೆ ದಿನೊರ್ದಿಂಚಿ ದೊರಿಯೊಂದುಪ್ಪುನ ಭಾರೀ ಬರ್ಸೊರ್ದಾವರ ರಾಷ್ಟ್ರೀಯ ಪೆರ್ಸಾದಿ 66ತ ಕೆಐಒಸಿಎಲ್ ಜಂಕ್ಷನ್ ಬೊಕ್ಕ ಕೂಳೂರು ಕಮಾನ್ ಸಂಕೊದ ನಡುತ ಸಾದಿ ಅಲಕ್ಕ ತೆಟ್ಟ್ದ್ ಪೋತುಂಡು. ಈ ಸಾದಿ ಸಾರ್ವಜನಿಕೆರೆಗ್, ಗಾಡಿ ಬುಡ್ಪುನಕುಲೆಗ್ ಬಾರೀ ಉಪದ್ರ ಕೊರೊಂದುಂಡು. ಅಪಗಪಗ ಕಿಞ್ಞ ಕಿಞ್ಞ ರಿಪೇರಿ ಬೇಲೆ ನಡತ್ಂಡಲಾ ಬರೋಂದೇ ಇಪ್ಪುನ ಬರ್ಸರ್ದಾವರ ಸಾದಿ ಕುಡ ಕುಡ ತೆಟ್ಟೊಂದುಂಡು. ಇತ್ತೆ ಡಾಮಾರ್ ಪಾಡೆರೆ ಆವಂದಿನೆರ್ದಾವರ ಪೇವರ್ ಬ್ಲಾಕ್ಲೆನ್ ಸಮ ಮಲ್ಪೆರೆ ಪಿದಡ್ದೆರ್. ಅಂಚಾದ್ ಸಾರ್ವಜನಿಕೆರ್ ಸಹಕರಿಪೊಡು ಪನ್ದ್ ಎನ್ಎಚ್ಎಐ ಬಿನ್ನಪು ಮಲ್ದ್ಂಡ್.