Last updated on July 27th, 2025 at 02:52 pm
ಮುಂಬೈ, ಜು 27: ಗೂಗಲ್ ಮ್ಯಾಪ್ನ್ ನಂಬ್ದ್ ಕಾರ್ ಬುಡೊಂದು ಪೋದು ಪೊಂಜೊವು ಒರ್ತಿನ ಕಾರ್ ಸೀದಾ ಗುಂಡಿಗ್ ಬೂರ್ದಿನ ನಡಕೆ ಮುಂಬೈಡ್ ನಡತ್ದ್ಂಡ್.
ಮಹಾರಾಷ್ಟ್ರೊದ ನವಿ ಮುಂಬೈ ಟೌನ್ಶಿಪ್ದ ಬೇಲಾಪುರ ಪ್ರದೇಶೊಡು ಶುಕ್ರವಾರ ನಡೀರ್ 1 ಗಂಟೆದ ಅಂದಾಜಿಗ್ ಈ ನಡಕೆ ನಡತ್ದ್ಂಡ್. ಗೂಗಲ್ ಮ್ಯಾಪ್ ತೂಪಾಯಿನ ಸಾದಿಯೆ ಪೋದು ತತ್ತ್ದ್ ಒರರ್ದ್ ಒರಾನೆ ತಿರ್ಗಿನೆರ್ದಾವರ ಕಾರ್ ಸಂಕೊರ್ದು ಸುದೆಕ್ ಬೂರ್ದ್ಂಡ್. ಜಾಗೆಗ್ ಅಪಗನೇ ಬತ್ತಿನ ಪೊಲೀಸೆರ್, ಕಡಲ ಕಾಪು ಕೂಟೊದ ಸಕಾಯೊಡು ಕಾರ್ಯಾಚರಣೆ ಮಲ್ತ್ದ್ ಪೊಂಜೊವುನು ಕಾತ್ದೆರ್ ಪನ್ದ್ ಬೇಲಾಪುರ ಪೊಲೀಸ್ ಅಧಿಕಾರಿ ಒರಿ ತೆರಿಪಾದೆರ್.
ನಡಕೆ ನಡತಿನ ಒಂತೆ ಪೊರ್ತುಡೇ ನೀರ್ಡ್ ಪಾಂಬೊಂದಿತ್ತಿನ ಪೊಂಜೊವುನ ರಕ್ಷಣೆ ಮಲ್ತ್ದೆರ್. ಕ್ರೇನ್ಡ್ ಕಾರ್ನ್ ನೀರ್ ರ್ದ್ ಪಿದಯಿ ದೆತ್ತ್ದೆರ್ ಪನ್ದ್ ಪೊಲೀಸೆರ್ ತೆರಿಪಾದೆರ್.
ನವಿ ಮುಂಬೈದ ಖಾರ್ಘರ್ ಪ್ರದೇಶೊಡು ಸಲೂನ್ ನಡಪಾವೊಂದುಪ್ಪುನ ಪೊಂಜೊವು ತನ್ನ ಕಾರ್ ಡ್ ಬೇಲಾಪುರರ್ದ್ ಉಲ್ವೆ ಇಲ್ಲಗ್ ಪೋವೊಂದುಪ್ಪುನಗ ನಡಕೆ ನಡತ್ದ್ಂಡ್ ಪನ್ದ್ ಅಧಿಕಾರಿ ತೆರಿಪಾದೆರ್.