Last updated on August 8th, 2025 at 08:19 am
ತೊರ್ತಲ್, ಆ. 08: ತೊರ್ತಲ್ – ನಂತೂರು ನಡುತ ರಾಷ್ಟ್ರೀಯ ಪೆರ್ಸಾದಿ 66 ಟ್ ಸಾದಿದ ಗುಂಡಿಲೆನ್ ಮುಚ್ಚುನ ಬೇಲೆನ್ ರಾಷ್ಟ್ರೀಯ ಪೆರ್ಸಾದಿ ಪ್ರಾಧಿಕಾರ ಆಗಸ್ಟ್ 13ರ ಮುಟ್ಟ ಮಲ್ಪರೆಗುಂಡು. ಗಾಡಿಲೆಡ್ ಪೋಪುನಕುಲು ಅಂಚೆನೇ ಸಾರ್ವಜನಿಕೆರ್ ಸಹಕರಿಪೊಡು ಪನ್ದ್ ರಾಷ್ಟ್ರೀಯ ಪೆರ್ಸಾದಿ ಪ್ರಾಧಿಕಾರ ಪ್ರಕಟಣೆಡ್ ತೆರಿಪಾದ್ಂಡ್.
ಪೆರ್ಸಾದಿ ರಿಪೇರಿಡ್ ಗುಂಡಿಲೆನ್ ಮುಚ್ಚುನ, ತೇಪೆ ಪಾಡುನ, ಕಣಿ ಕ್ಲೀನ್ ಮಲ್ಪುನ, ಬರಿತ ಬಲ್ಲೆ ದೆಪ್ಪುನ ಇಂಚಿನ ಬೇಲೆಲು ಆಯೆರಗುಲ್ಲ. ಈ ರಿಪೇರಿ ಬೇಲೆ, ಗಾಡಿಲು ಕಮ್ಮಿ ಇಪ್ಪುನ ಪೊರ್ತುಡು ( ಪೀಕ್ ಅವರ್ಸ್ ಅತ್ತಂದಿನ ಪೊರ್ತು) ದಿನೊಲ ಕಾಂಡೆ 11ರ್ದ್ ಮಧ್ಯಾಹ್ನ 3 ಗಂಟೆ ಮುಟ್ಟ ಬೊಕ್ಕ ರಾತ್ರೆದ ಪೊರ್ತುಡು ನಡಪುಂಡು. ಈ ಪೊರ್ತುಡು ಟ್ರಾಫಿಕ್ದ ಸಮಸ್ಯೆ ಆಂಡ ಪಗತೆ ಸಾದಿಲೆನ್ ಓಪನ್ ಮಲ್ಪುನ ಸಾಧ್ಯತೆ ಉಂಡು.
ಬೇಲೆ ಆವೊಂದುಪ್ಪುನ ಜಾಗೆಡ್ ಸುರಕ್ಷತಾ ಸೂಚನೆಲೆನ್ ಪಾಲನೆ ಮಲ್ಪೊಡು, ಜಾಗ್ರ್ತೆಡ್ ಗಾಡಿ ಕೊನೊವೊಡು ಪನ್ದ್ ಎನ್ ಎಚ್ ಐ ಎ ಯೋಜನಾ ನಿರ್ದೇಶಕೆ ಅಬ್ದುಲ್ ಜಾವೇದ್ ಅಜ್ಜಿ ಪತ್ರಿಕಾ ಪ್ರಕಟಣೆಡ್ ತೆರಿಪಾದೆರ್.