Last updated on August 9th, 2025 at 10:36 pm
ಬಂಟ್ವಾಳ, ಆ. 09: ಬಂಟ್ವಾಳ ತಾಲೂಕು ಮಡಿವಾಳ ಸಮಾಜ ಸೇವಾ ಸಂಘ (ರಿ.) ಬೊಕ್ಕ ಮಡಿವಾಳ ಯುವ ಬಳಗ ಬೊಕ್ಕ ಮಹಿಳಾ ಘಟಕ ಬಂಟ್ವಾಳ ಮೊಕಲ್ನ ಮುತಾಲಿಕೆಡ್ ಎಲ್ಲೆ, ಆಗಸ್ಟ್ 10ನೇ ಐತಾರ ಕಂದೂರು ಮಾಚಿದೇವ ಸಮುದಾಯ ಭವನೊಡು ‘ಕೂಡು ಕುಟುಂಬ – 2025’ ಲೇಸ್ ನಡಪರೆಗುಂಡು.
ಕಾಂಡೆ 9ರ್ದ್ ಬಯ್ಯ 4 ಗಂಟೆ ಮುಟ್ಟ ನಡಪುನ ಈ ಲೇಸ್ಡ್ ಬಗೆಬಗೆತ ಗೊಬ್ಬುಲು, ತಮ್ಮನದ ಮಾನಾದಿಗೆ ನಡಪರೆಗುಂಡು. ಬತ್ತಿನಕಲೆಗ್ ಗೊಬ್ಬುಲೆನ ಒಟ್ಟುಗು ಬಂಜಾರ ತೆನಸ್ ವನಸ್ಲಾ ಉಂಡು.
ಈ ಲೇಸ್ಗ್ ಸಮಾಜ ಬಾಂಧವೆರ್ ಬತ್ತ್ದ್ ಲೇಸ್ನ್ ಗೆಂದಾದ್ ಕೊರೊಡು ಪನ್ದ್ ಬಂಟ್ವಾಳ ತಾಲೂಕು ಮಡಿವಾಳ ಸಮಾಜ ಸೇವಾ ಸಂಘ(ರಿ.), ಕಂದೂರು ಮಡಿವಾಳ ಯುವಬಳಗ ಬೊಕ್ಕ ಬಂಟ್ವಾಳ ಮಹಿಳಾ ಘಟಕೊದಕುಲು ಬಿನ್ನೈತೊಂದೆರ್.