Last updated on August 15th, 2025 at 10:41 am
ಬೊಲ್ತೇರ್, ಆ 14: ಧರ್ಮಸ್ಥಳಡ್ ಪಾಕ ಪುನ ಕೌಂತ್ದೆ ಪನ್ದ್ ಪನ್ಡ್ದ್ ಇಡೀ ದೇಶೊಡೇ ಸುದ್ದಿ ಆದಿತ್ತಿಶ ಮಾಸ್ಕ್ ಮ್ಯಾನ್ ಉಂದೇ ಕಡೀರ ಸರ್ತಿ ಮಾದ್ಯಮ ಒಂಜೆಕ್ ಇಂಟರ್ವೀವ್ ಕೊರ್ದಿತ್ತ್ದ್, ಐಟ್ ಸ್ಪೋಟಕ ಒಲವುಲೆನ್ ಪಟ್ಟೊಂದೆರ್. ಧರ್ಮಸ್ಥಳ ಗ್ರಾಮೊಡು ಯಾನ್ ಪುನೊಕುಲೆನ್ ಕೌಂತಿನ ನಿಜ. ಅವೇಟ್ ಅನುಮಾನೊನೇ ಇಜ್ಜೀ. ಇತ್ತೆ ಮಣ್ಣ್ದಡಿಟ್ ಪುನತ ಅವಶೇಷೊಲು ತಿಕ್ಕಂದಿನೆಕ್ ಯಾನ್ ಜಬದ್ದರಿ ಅತ್ತ್” ಪನ್ದ್, ಪಾಕ ಪುನೊಕ್ಲೆನ್ ಕೌಂತಿನ ಪ್ರಕರಣೊದ ಸಾಕ್ಷಿ ದೂರುದಾರೆ ಆಂಜೊವು ಪನ್ತೆರ್.
ಪ್ರೈವೇಟ್ ಸುದ್ದಿವಾಹಿನಿ ‘ಇಂಡಿಯಾ ಟುಡೇ’ ದ ಒಟ್ಟುಗು ಪಾತೆರ್ದಿನ ಆಂಜೊವು, ‘ಅಂತ್ಯಕ್ರಿಯೆಗ್ ಸ್ಮಶಾನ ಗಲಸೊಂದಿಜ್ಜಂಡ್. ಎಂಕ್ಲ ಕಾಡ್ಡಾ, ಪರ ಸಾದಿಲೆನ ಬರಿಟ್, ಸುದೆಬರಿಟ್ ಪುನೊಕ್ಲೆನ್ ಕೌಂಪೆದ’ ಪನ್ದ್ ಪನ್ತೆರ್.
ಬಾಹುಬಲಿ ಗುಡ್ಡೆಡ್ ಕೌಂತಿನ ಪೊಂಜೊವು ಸೇರ್ದ್ ನೇತ್ರಾವತಿ ಸ್ನಾನ ಘಟ್ಟೋದ ಕೈತಲ್ ಸುಮಾರ್ 70 ಪೊನೊಕ್ಲೆನ್ ಕೌಂತ್ದ ಪನ್ದ್ ಆಂಜೊವು ಪನ್ಡೊನ್ದೆ. ಅಂಚೆನೇ ಎಸ್ಐಟಿ ಜಡ್ತೆದ ಪೊರ್ತುಡು ಗುರ್ತ ಮಲ್ದಿನ Spot 13 ಪನ್ದ್ ಲೆಪ್ಪುನ ಒಂಜಿ ಜಾಗೆನ್ ಹೈಲೈಟ್ ಮಲ್ದಿನ ಮಾಸ್ಕ್ಮ್ಯಾನ್, ಅಲ್ಪ ಸುಮಾರ್ 70 ರ್ದ್ 80 ಪುನೊಕುಲೆನ್ ಕೌಂತ್ದ್ಂಡ್ ಪನ್ದ್ ಪನ್ತೆ ಪನ್ದ್ ವರದಿ ಆತ್ಂಡ್.
ಪುನ ಕೌಂಪುನಗ ಇತ್ತಿನ ಜಾಗೆಲೆಡ್ ಇತ್ತೆ ಪಾಕ ಪಗತೆಲು ಆತ. ಅಪಗ ಕಮ್ಮಿ ಮರೊಕುಲು ಇತ್ತಿನಲ್ಪ ಇತ್ತೆ ಕಾಡ್ದ ಲೆಕ ಆತ್ಂಡ್. ಅಲ್ಪ ಮಾತ ಜಾಗೆ ತೋಜಾನಗ ಒಂತೆ ಅಂಚಿಂಚಿ ಆದುಪ್ಪು. ಆಂಡ ಮಾತಾ ಕಡೆಟ್ ಒಕ್ಯೆರ ಕಮಲ್ಲ ಮಲ್ಲ ಮರೊಕುಲು ಇಪ್ಪುನೆರ್ದಾವರ ಆವೊಂದಿಜ್ಜಿ. ಕೆಲ ಕಡೆಟ್ ಮಣ್ಣ್ ಜರಿದ್ಂಡ್. ಆನಿ ಯಾನ್ ಪುನೊಕ್ಲೆನ್ ಕೌಂಪುನಗ ಎನ್ನ ಒಟ್ಟುಗು ಗ್ರಾಮ ಪಂಚಾಯಿತಿದಕುಲು ಏರ್ಲಾ ಇಪ್ಪೆದಿಜೆರ್. ಪುನ ಕೌಂಪೆರ ಎಂಕ್ ಮಾಹಿತಿ ಕಚೇರಿರ್ದ್ ಆದೇಶ ಬರೊಂದಿತ್ತ್ಂಡ್. ಅಂಚೆನೇ ಯಾನ್ ಮಲ್ಪೆದೆ” ಪನ್ದ್ ಪನ್ತೆರ್.
ಕುಡ ಸೌಜನ್ಯ ಪ್ರಕರಣೊದ ಬಗೆಟ್ ಒಲವು ಕೊರ್ನ ಆಂಜೊವು “ಆಲೆನ್ ಕೆರ್ತಿನಾನಿ ರಾತ್ರೆ ಯಾನ್ ಒಲ್ಪ ಉಲ್ಲೆ ಪನ್ದ್ ಕೇನೊಂದು ಎಂಕ್ ಕಾಲ್ ಬತ್ತಿತ್ತ್ಂಡ್. ಯಾನ್ ರಜೆ ಪಾಡ್ದ್ ಎನ್ನ ಊರುಡುಲ್ಲೆ ಪನ್ದ್ ಪನ್ಧಿತ್ತೆ. ರಜೆಟ್ ಪೋಯಿನೆಕ್ ಅಕುಲು ಎಂಕ್ ನೆರ್ತೆರ್. ಮನದಾನಿ, ಯಾನ್ ಸೈದೀಪ ಪೊಣ್ಣನ ಪುನೊನು ತೂತೆ” ಪನ್ದ್ ಆಂಜೊವು ನೆನೆತೊಂಡೆರ್.