Last updated on August 17th, 2025 at 08:53 am
ಹಾಸನ, ಆ. 17: ಘಟ್ಟೊದ ಭಾಗೊಡು ಭಾರೀ ಬರ್ಸ ಬರೊಂದುಪ್ಪುನೆರ್ದಾವರ ಕುಡ್ಲ- ಬೆಂಗಳೂರು ರೈಲ್ವೇ ಸಾದಿನ್ ತಾತ್ಕಾಲಿಕವಾದ್ ಬಂದ್ ಮಲ್ದೆರ್.
ಭಾರೀ ಬರ್ಸೊಗು ಸಕಲೇಶಪುರ ತಾಲೂಕ್ದ ಎಡಕುಮೆರಿ ದಲ್ಪ ರೈಲ್ವೇ ಪಟ್ಟೆದ ಮಿತ್ತ್ ಮಣ್ಣ್ ಬೂರ್ದ್ಂಡ್. ಅಂಚಾದ್ ರೈಲ್, ಗೂಡ್ಸ್ ರೈಲ್ಲೆನ ಸಂಚಾರ ತಾತ್ಕಾಲಿಕವಾದ್ ಉಂತಾದೆರ್.
ಏಳ್ ಕಿಲೋಮೀಟರ್ ಉದ್ದೊಗು 15 ಕಡೆಟ್ ಜರಿದಿತ್ತ್ದ್ ರೈಲ್ವೆ ಪಟ್ಟೆದ ಮಿತ್ತ್ ಮಲ್ಲ ಮಟ್ಟ್ಡ್ ನೀರು ಪೋವೊಂದಿತ್ತ್ದ್ ಈ ಸಾದಿಯೆ ಪೋಪುನ ಮಾತಾ ರೈಲ್ಲೆನ ಸಂಚಾರ ಬಂದ್ ಮಲ್ದ್ಂಡ್. ಜಾಗೆಗ್ ರೈಲ್ವೆ ಇಲಾಖೆದ ರಕ್ಷಣಾ ಸಿಬ್ಬಂದಿ ಬತ್ತ್ದೆರ್.
ಸಿರಿಬಾಕಿಲ್-ಎಡಕುಮೆರಿ, ಎಡಕುಮೆರಿ-ಕಡಗರವಳ್ಳಿ ಬೊಕ್ಕ ಕಡಗರವಳ್ಳಿ-ದೋಣಿಗಲ್ ವಿಭಾಗೊಲೆನ ನಡುಟು ಭಾರೀ ಬರ್ಸೊರ್ದಾವರ ಗುಡ್ಡೆ ಜರಿದ್, ರೈಲ್ ಮಾರ್ಗ ಪಗತ್ದೆರ್.