Last updated on August 21st, 2025 at 04:11 pm
ಕಾರ್ಲ, ಆ. 21: ಪೆಟ್ರೋಲ್ ಲೀಕ್ ಆದ್ ಒಂಜಿ ಕಾರ್ ಪೊತ್ತ್ದ್ ಪೋತಿನ ನಡಕೆ ಸಾಣೂರು ಪೆಟ್ರೋಲ್ ಬಂಕ್ದ ಕೈತಲ್ ರಾಷ್ಟ್ರೀಯ ಪೆರ್ಸಾದಿ 169ಟ್ ನಡತ್ದ್ಂಡ್. ಇನಿ ಮಧ್ಯಾಹ್ನ ಸುಮಾರ್ 1.00 ಗಂಟೆದ ಅಂದಾಜಿಗ್ ಬೆದ್ರದಂಚಿ ಪೋವೊಂದಿತ್ತಿನ KA 04 M 1166 ನಂಬರ್ದ 800 ಕಾರ್ ಸೂ ಪತೊಂದು ಅಲಕ್ಕ ಪೊತ್ತ್ದ್ ಸುಡುಸೂಕರಿ ಆತ್ಂಡ್.
ಬಂಗ್ಲೆಗುಡ್ಡೆದ ಅಯಾನ್ ಪನ್ಪಿನಾರಾ ಒರಿ ಆಂಜೊವುಡ ಈ ಕಾರ್ ಗೆತೊಂದಿತ್ತೆರ್. ನಡಕೆದ ಬಗೆಟ್ ತೆರಿನನೇ ಜಾಗೆಖ್ ಅಗ್ನಿಶಾಮಕ ದಳೊತಕುಲು ಬತ್ತ್ದ್ ಸೂ ತೆಕ್ಕಾದೆರ್. ಕಾರ್ಯಚರಣೆಡ್ ಅಗ್ನಿಶಾಮಕದಳ ಠಾಣಾಧಿಕಾರಿ ಅಲ್ಬರ್ಟ್ ಮೋನಿಸ್, ಸಹಾಯಕ ಠಾಣಾಧಿಕಾರಿ ಚಂದ್ರಶೇಖರ್, ಸಹಾಯಕೆರಾಯಿನ ಅಚ್ಚುತ ಕರ್ಕೇರಾ, ದಿನೇಶ್, ಡ್ರೈವರ್ ಜಯಮೂಲ್ಯ ಪಾಲ್ಪಡೆಯೆರ್.