Last updated on September 4th, 2025 at 09:21 am
ಕಾಸ್ರೋಡ್, ಸೆ. 03: ರಿಕ್ಷಾಡ್ ಕೊನೊವೊಂದಿತ್ತಿನ 18.240 ಗ್ರಾಂ. ಎಡಿಎಂಎ ಮಾದಕ ಸೊತ್ತು ಸೇರ್ದ್ ಒರಿಯನ್ ಕುಂಬ್ಳೆ ಸ್ಟೇಶನ್ ಪೊಲೀಸೆರ್ ಕೈದ್ ಮಲ್ತ್ದೆರ್.
ಕೊಡಿಯಮ್ಮೆ ಪೂಕಟ್ಟೆ ನಿವಾಸಿ ಎಂ. ಅಬ್ದುಲ್ ಅಜೀಜ್ (42) ಕೈದಾತಿನ ಆರೋಪಿ. ಸಾಗಾಟೊಗು ಗಲಸ್ದಿನ ರಿಕ್ಷಾನ್ ಪೋಲೀಸೆರ್ ವಶೊಕು ಗೆತೊಂದೆರ್. ಅಂಗಾರೆ ರಾತ್ರೆ ಕೊಡಿಯಮ್ಮೆಡ್ ಗಾಡಿಲೆನ್ ಉಂತಾದ್ ಚೆಕಿಂಗ್ ಮಲ್ತ್ ವಿಚಾರಣೆ ಮಲ್ಪುನಗ ಮಾದಕ ಸೊತ್ತು ಪತೊಂದು ಪೋಪುನ ತಿಕ್ಕ್ದ್ಂಡ್.
ಪೊಲೀಸೆರೆನ್ ತೂನಗ ಆರೋಪಿ ರಿಕ್ಷಾ ಬುಡ್ದು ಪದ್ರಾಡಾಯೆರ ತೂತೆ. ಉಂದೆರ್ದಾವರ ಸಂಶಯ ಬತ್ತಿನ ಪೊಲೀಸೆರ್ ಆರೋಪಿನ್ ಬೆರಿಪತೊಂದು ಪೋದು ಪತ್ತ್ದ್ ವಿಚಾರಣೆ ಮಲ್ಪುನಗ ಮಾದಕ ಸೊತ್ತು ತಿಕ್ಕ್ದ್ಂಡ್.