Last updated on September 17th, 2025 at 11:06 am
ಕಾಸ್ರೋಡ್, ಸೆ. 17: 10ನೇ ಕ್ಲಾಸ್ ಓದೊಂದಿತ್ತಿನ ಪೊಣ್ಣು ಒರ್ತಿ ಬಲ್ಲ್ ಪಾಡೊಂದು ಆತ್ಮಹತ್ಯೆ ಮಲ್ತೊಂದಿನ ನಡಕೆ ಬಂದಡ್ಕಡ್ ನಡತ್ದ್ಂಡ್. ಕುಂಡಂಗುಳಿ ಸರಕಾರಿ ಹೈಯರ್ ಸೆಕಂಡರಿ ಶಾಲೆದ 10ನೇ ಕ್ಲಾಸ್ದ ಪೊಣ್ಣು ದೇವಕಿ (16) ಇಲ್ಲಡೇ ಬಲ್ಲ್ ಪಾಡೊಂದು ಆತ್ಮಹತ್ಯೆ ಮಲ್ತೊಂದೆರ್.
ಬಂದಡ್ಕ ಗ್ರಾಮೀಣ ಬ್ಯಾಂಕ್ದ ಕೈತಲ್ ಗಂಜಿ ಕ್ಯಾಂಟೀನ್ ನಡಪಾವೊಂದುಪ್ಪುನ ಸಾವಿತ್ರಿ ಮೆರೆನ ಮಗಲ್ ದೇವಕಿ ಬಾಲಸಂಘೊದ ಬಂದಡ್ಕ ಗ್ರಾಮೀಣ ಘಟಕೊದ ಅಧ್ಯಕ್ಷೆದಿ ಆದಿತ್ತ್ದ್ ಕ್ರಿಯಾಶೀಲ ಪೊಣ್ಣು ಆದಿತ್ತಲ್. ಜೂವ ಗೆತ್ತೊನರೆ ದಾೖತ ನೆನವ ಪನ್ದ್ ತೆರಿದ್ ಬೈದಿಜಿ.
ದೇವಕಿನ ಅಮ್ಮೆರ್ ಸತೀಶ್ ನಾಲ್ ವರ್ಸೊಗು ದುಂಬು ಆತ್ಮಹತ್ಯೆ ಮಲ್ತೊಂದಿತ್ತೆರ್. ಪೊಲೀಸೆರೆ ಒಲವುದ ಪ್ರಕಾರ ದೇವಿಕಾಗ್ ಬೈಪೋಲಾರ್ ಡಿಸಾರ್ಡರ್ ಇತ್ತ್ದ್, ಕಾಞಂಗಾಡ್ದ ಕಾಸರಗೋಡ್ ಜಿಲ್ಲಾ ಆಸ್ಪತ್ರೆಡ್ ಮರ್ದ್ ಮಲ್ತೊಂದಿತ್ತೆರ್ಗೆ.