ನನ ಕಲ್ಯಾಣ ಕರ್ನಾಟಕೊಗು ಬೇತೆನೇ ಇಲಾಖೆ: ರಾಜ್ಯ ಸರ್ಕಾರೊದ ನಿರ್ಧಾರ

Last updated on September 17th, 2025 at 09:32 am

ಬೆಂಗಳೂರು, ಸೆ. 17: ಕಲ್ಯಾಣ ಕರ್ನಾಟಕ ಪ್ರದೇಶ ಸಚಿವಾಲಯ ಉಂಡು ಮಲ್ಪೆರ ರಾಜ್ಯ ಸರ್ಕಾರ ನಿರ್ಧಾರ ಮಲ್ತಿತ್ತ್‌ದ್ ಕಲಬುರಗಿ, ಯಾದಗಿರಿ, ಬೀದ‌ರ್, ರಾಯಚೂರು, ಕೊಪ್ಪಳ, ವಿಜಯನಗರ, ಬಳ್ಳಾರಿ ಜಿಲ್ಲೆಲೆಗ್ ಸೇರ್ದ್ ಬೇತೆನೇ ಸಚಿವಾಲಯ ಆವರೆಗುಂಡು.

ಸಚಿವಾಲಯ ಸ್ಥಾಪನೆ ಆಪುನೆರ್ದಾವರ ಕಲ್ಯಾಣ ಕರ್ನಾಟಕ ಪ್ರದೇಶೊದ ನನಾತ್ ಬುಲೆಚ್ಚಿಲ್ ಆಪುಂಡು. ಕಲ್ಯಾಣ ಕರ್ನಾಟಕ ಪ್ರದೇಶೊಡು ಅನುಷ್ಠಾನ ಮಲ್ತೊಂದುಪ್ಪುನ ಬೇಲೆಲೆನ್ ಎನ್ನಿನ ಪೊರ್ತುದುಲಯಿ ಮುಗಿಪೆರ ಕಲ್ಯಾಣ ಕರ್ನಾಟಕ ಪ್ರದೇಶ ಅಭಿವೃದ್ಧಿ ಮಂಡಳಿ ಬೊಕ್ಕ ಕಲ್ಯಾಣ ಕರ್ನಾಟಕ ಪ್ರದೇಶ ಸೀಮೆದ 7 ಜಿಲ್ಲೆಲೆನ ಜಿಲ್ಲಾಧಿಕಾರಿಲೆನ ಕಚೇರಿಲೆಡ್ ಎಚ್ಚಿನ ಬೇಲೆಲೆನ್ ಉಂಡು ಮಲ್ಪುನ ಮುಕೇನ ಈ ಕಚೇರಿಲೆನ್ ನನಲಾತ್ ಗಟ್ಟಿ ಮಲ್ಪೆರ ಸಚಿವ ಸಂಪುಟ ನಿರ್ಧಾರ ಮಲ್ತ್‌ದ್ಂಡ್.

ಈ ಬಗೆಟ್ ಅಂಗಾರೆ ಮುಖ್ಯಮಂತ್ರಿ ಸಿದ್ದರಾಮಯ್ಯೆರೆ ಗುರ್ಕಾರ್ಮೆಡ್ ನಡತಿನ ವಿಶೇಷ ಸಂಪುಟ ಸಭೆಟ್ ನಿರ್ಣಯ ಮಲ್ತಿತ್ತ್‌ದ್, ಉಂದೆನ್ ಕಲಬುರಗಿ ಜಿಲ್ಲಾ ಉಸ್ತುವಾರಿ ಸಚಿವೆ ಪ್ರಿಯಾಂಕ್ ಖರ್ಗೆ ಎದುಕೊಂಡೆರ್. ಕಲ್ಯಾಣ ಕರ್ನಾಟಕ ಪ್ರದೇಶ ಅಭಿವೃದ್ಧಿಗಾದ್ ಬೇಲೆಲೆನ್ ನಲಾತ್ ಪರಿಣಾಮಕಾರಿಯಾದ್ ಜಾರಿ ಮಲ್ಪೆರ ಅಂಚೆನೇ ಅಭಿವೃದ್ಧಿ ಕಾಮಗಾರಿಲೆನ ಉಸ್ತುವಾರಿ ತೂವೊನ್ರ ಕಲ್ಯಾಣ ಕರ್ನಾಟಕ ಪ್ರದೇಶ ಸಚಿವಾಲಯ ಸ್ಥಾಪನೆಗ್ ಸಂಪುಟ ಸಭೆ ಅನುಮೋದನೆ ಕೊರ್ತಿನವು ಕುಸಿತ ಇಸಯ ಪನ್ದ್ ಪನ್ಡೆರ್.

ಕಲ್ಬುರ್ಗಿಡುಪ್ಪುನ ಕಲ್ಯಾಣ ಕರ್ನಾಟಕ ಪ್ರದೇಶ ಅಭಿವೃದ್ಧಿ ಮಂಡಳಿ ಕಾರ್ಯಾಲಯೊಗು ಮಂಜೂರಾತಿನ 83 ಹುದ್ದೆಲೆಡ್ ಖಾಲಿ ಇಪ್ಪುನ 20 ಹುದ್ದೆಲೆನ್ ಬೊಕ್ಕ ಈ ಪ್ರದೇಶೊದ 7 ಜಿಲ್ಲೆಲೆಗ್ಲಾ ಪೊಸ ಹುದ್ದೆಲೆನ್ ಉಂಡು ಮಲ್ಪುವ ಪನ್ದ್ ಒಲವು ಕೊರ್ತೆರ್.