Last updated on September 30th, 2025 at 02:21 pm
ಬೆಂಗಳೂರು, ಸೆ. 30: ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಫ್ರಾಂಚೈಸಿನ್ ಡಿಯಾಜಿಯೋ ಕಂಪೆನಿ ನಡಪಾವೊಂದುಂಡು. ಬ್ರಿಟನ್ ಮೂಲೊದ ಡಿಯಾಜಿಯೋ ತನ್ನ ಭಾರತೀಯ ಘಟಕೊ ಆಯಿನ ಯುನೈಟೆಡ್ ಸ್ಪಿರಿಟ್ಸ್ ಲಿಮಿಟೆಡ್ ಪನ್ಪಿ ಆಲ್ಕೋಹಾಲ್ ಕಂಪೆನಿದ ಮುಕೇನ ಆರ್ಸಿಬಿ ಫ್ರಾಂಚೈಸಿನ್ ನಡಪಾವುಂಡು. ಇತ್ತೆ ಡಿಯಾಜಿಯೋ ಕಂಪೆನಿ ಆರ್ಸಿಬಿ ಫ್ರಾಂಚೈಸಿನ್ ಮಾರ್ಯೆರ ಪಿದಡ್ದೆರ್ ಪನ್ದ್ ಐಪಿಎಲ್ದ ಮಾಜಿ ಅಧ್ಯಕ್ಷೆ ಲಲಿತ್ ಮೋದಿ ಪನ್ತೆರ್.
ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಫ್ರಾಂಚೈಸಿನ್ ಮಾರ್ಯೆರ ಡಿಯಾಜಿಯೋ ಕಂಪೆನಿ ಪಿದಡ್ದ್ಂಡ್ ಪನ್ದ್ ಲಲಿತ್ ಮೋದಿ ಪನ್ತೆರ್. ದುಂಬೊರ ಆರ್ಸಿಬಿ ಇಂಚಿನ ಸುದ್ದಿನ್ ನಿರಾಕರಿತ್ದಿತ್ತ್ಂಡ್. ಆಂಡ ಇತ್ತೆ ಆರ್ಸಿಬಿ ಮಾಲೀಕೆರ್ ತನ್ಕುಲೆ ಬ್ಯಾಲೆನ್ಸ್ ಶೀಟ್ರ್ದ್ ದೆತ್ತ್ದ್ ಮಾರ್ಯೆರ ನಿರ್ಧಾರ ಮಲ್ತ್ದೆರ್ ಪನ್ದ್ ತೋಜೊಂದುಂಡು.
ಆರ್ಸಿಬಿ ಕೂಟೊಗು ಮಾಮಲ್ಲ ಸಂಖ್ಯೆಡ್ ಅಭಿಮಾನಿಲು ಉಲ್ಲೆರ್. ಇತ್ತೆ ಫ್ರಾಂಚೈಸಿ ಚಾಂಪಿಯನ್ ಪಟ್ಟೊನ್ಲಾ ಗೆಂದ್ದ್ಂಡ್. ಅಂಚಾದ್ ಎಡ್ಡೆ ಮ್ಯಾನೇಜ್ಮೆಂಟ್ಲಾ ಫ್ರಾಂಚೈಸಿಡ್ ಉಂಡು. ಅಂಚಾದೇ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಫ್ರಾಂಚೈಸಿದ ಪತ್ತ ಶೇರ್ ಮಾರ್ಯೆರ ಡಿಯಾಜಿಯೋ ಕಂಪೆನಿ ಉಮೇದ್ ತೂಪಾದ್ಂಡ್.
ಅತ್ತಂದೆ ಐಪಿಎಲ್ 2026 ಗ್ಲಾ ದುಂಬು ಲಭ್ಯ ಇಪ್ಪುನ ಒಂಜೇ ಟೀಂ ಆದ್ ಆರ್ಸಿಬಿ ಸೇಲ್ ಆವು. ಬಿಗ್ ಗ್ಲೋಬಲ್ ಫಂಡ್ಲೆಡ್ ಒಂಜಿ ಅತ್ತ್ಂಡ ಮಲ್ಲ ಇನ್ವೆಸ್ಟರ್ಸ್ ಆರ್ಸಿಬಿ ಟೀಂನ್ ಗೆತೊನುನ ಸಾಧ್ಯತೆ ಉಂಡು. ದಾಯೆ ಪನ್ಡ ಭಾರತೊಡು ಇನ್ವೆಸ್ಟ್ ಮಲ್ಪೆರ ಉಂದೆರ್ದ್ ಎಡ್ಡೆ ಅವಕಾಶ ನನೊಂಜಿ ತಿಕ್ಕಂದ್. ಅವೆನ್ ಗಲಸೊನುನಕುಲು ಏರೇ ಆಂಡಲಾ ಅಕ್ಲೆಗ್ ಎಡ್ಡ ಆವಡ್ ಪನ್ದ್ ಲಲಿತ್ ಮೋದಿ ಸೋಷಿಯಲ್ ಮೀಡಿಯಾಡ್ ಬರೆಯೊಂದೆರ್.
ಕರಿನ ಜುಲೈ ತಿಂಗೊಲುಡು ಆರ್ಸಿಬಿ ಫ್ರಾಂಚೈಸಿನ್ ಮಾರುವೆರ್ ಪನ್ದ್ ಎಂದು ವರದಿ ಆದಿತ್ತ್ಂಡ್. ಅವ್ಲಾ ಸುಮಾರ್ 2 ಬಿಲಿಯನ್ ಡಾಲರ್ಗ್. ಪನ್ಡ ಭಾರತೀಯ ರೂಪಾಯಿ ಮೌಲ್ಯೊದ 17 ಸಾವಿರ ಕೋಟಿ ರೂ.ಗ್ ಆರ್ಸಿಬಿ ಫ್ರಾಂಚೈಸಿನ್ ಮಾರ್ಯೆರ ಡಿಯಾಜಿಯೋ ಕಂಪೆನಿ ಪಿದಡ್ದ್ಂಡ್ ಪನ್ಪಿ ಸುದ್ದಿಲು ಬಲಿತೊಂದಿತ್ತ. ಆಂಡ ಅಪಗ ಈ ಸುದ್ದಿನ್ ಆರ್ಸಿಬಿ ಒತ್ತೊಂದಿಜ್ಜಂಡ್.
ಇತ್ತೆ ಲಲಿತ್ ಮೋದಿನ ಪ್ರಕಾರ, ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಫ್ರಾಂಚೈಸಿನ್ ಮಾರ್ಯೆರ ದೆಂಗ್ಡ್ ಅಟ್ಟನೆ ಆವೊಂದುಂಡು. ಈ ಸೇಲ್ಗ್ ಸಿಟಿ ಬ್ಯಾಂಕ್ ಮಧ್ಯವರ್ತಿ ಆದ್, ತೂವೊನುಂಡು ಎಂಬುದನ್ನುಪನ್ದ್ಲಾ ಪನ್ತೆರ್. ಅಂಚಾದ್ ಐಪಿಎಲ್ ಸೀಸನ್-19 ಗ್ ದುಂಬು ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಫ್ರಾಂಚೈಸಿ ಸೇಲ್ ಆಯೆರಲಾ ಯಾವು.