Last updated on October 30th, 2025 at 08:30 am
ಒಡಿಪು, ಅ. 29: ಪ್ರಧಾನಿ ನರೇಂದ್ರ ಮೋದಿಯೆರ್ ನವೆಂಬರ್ 28 ದಾನಿ ತುಳುನಾಡ್ಗ್ ಬರೊಂದುಲ್ಲೆರ್, ಒಡಿಪುಡು ನಡಪುನ ಒಂಜಿ ಲೇಸ್ಡ್ ಪಾಲ್ಪಡೆಯೆರ ಉಲ್ಲೆರ್. ಪ್ರಧಾನಮಂತ್ರಿ ನರೇಂದ್ರ ಮೋದಿ ಮೇರ್ ನವೆಂಬರ್ 28 ದಾನಿ ಶುಕ್ರವಾರ ಒಡಿಪುದ ಶ್ರೀಕೃಷ್ಣ ಮಠೊಕು, ಮಧ್ಯಾಹ್ನ 12 ಗಂಟೆದ ಅಂದಾಜಿಗ್ ಬತ್ತ್ದ್ ದೇಬೆರೆ ದರ್ಶನ ಗೆತೊಂದು, ಪೂಜ್ಯೆರೆಡ ಪಾತೆರಕತೆ ನಡಪಾವೆರ್.
ಬೊಕ್ಕ ಶ್ರೀಕೃಷ್ಣ ಮಠೊಟು ಅಟ್ಟನೆ ಆತಿನ ಲಕ್ಷ ಕಂಠ ಗೀತಾ ಪಾರಾಯಣ-ಮಾಮಲ್ಲ ಗೀತೋತ್ಸವೊಡು ಪ್ರಧಾನಿ ಮೋದಿ ಪಾಲ್ಪಡೆಪೆರ್. ಈ ದಿಟ್ಟಿಡ್ ಭಕ್ತೆರ್ ಬೊಕ್ಕ ಗಣ್ಯೆರ್ ಮಾಮಲ್ಲ ಪ್ರಮಾಣೊಡು ಸೇರುನ ನಿರೀಕ್ಷೆ ಉಂಡು. ಮೂಲೊಲೆನ ಪ್ರಕಾರ ಒಡಿಪು ಶ್ರೀಕೃಷ್ಣ ಮಠೊಕು ಪ್ರಧಾನಿ ಮೋದಿಯೆರ್ ಬರ್ಪುನೆನ್ ಪ್ರಧಾನಿ ಕಚೇರಿ ದೃಢ ಮಲ್ದ್ಂಡ್. ಅಂತಾದ್ ಇತ್ತೆರ್ದೇ ಬೋಡಾಪಿನ ಮಾತಾ ಅಟ್ಟನೆಲೆನ್ ಮಲ್ತೊಂದುಲ್ಲೆರ್.
ನವೆಂಬರ್ 8ರ್ದ್ 30ಮುಟ್ಟ ಒಡಿಪುದ ಶ್ರೀಕೃಷ್ಣ ಮಠ ಬೊಕ್ಕ ಪುತ್ತಿಗೆ ಮಠೊತ ಆಶ್ರಯೊಡು ಲಕ್ಷ ಕಂಠ ಗೀತಾ ಪಾರಾಯಣ-ಬೃಹತ್ ಗೀತೋತ್ಸವ ನಡಪರೆಗುಂಡು.